Wir Albrecht von gocz genaden pyscholf ze Freysing veriehen vnd pechennen offenleichen mit disein prief, daz wir vnsern getreuwen lieben purgern gemainchleich vnser stat ze Oberwelcz die genad vnd fuedrung getan haben, also daz wir sev pey allen iren alten rechten vnd gewonhaiten wellen lazzen peleiben vnser lebtag, vber die alten steuwer die sie vns iaerchleich gebent, nicht fuerbaz noeten noch treyben schullen noch wellen. Mit vrchund diez priefs versigelt mit vnserm aigen anhangendem insigel, der geben ist ze Wienn nach Christs purd dreuzehen hundert jar, dar nach in dem acht vnd fumfczbisten (!) iar, an sand Gallen tag.

Source Fulltext: ZAHN, Codex Diplomaticus (=FRA II/35, Wien 1871) S. 322-323