JACOBI DE BURGO.

Wy Iakemyn de Larke, ende Coenraet Cortheen, mannen van leene ons ghe-

duchts heren shertoghen van Bourgoeingien, grave van Vlaenderen, ende onser

gheduchter vrouwen van Borgoengen, aïs ervachtighe graefneiden van Vlaenderen,

scepene ende coriers van Veurnambocht, doen te wetene allen lieden, hoe dat

Michiel Vander Burch die poortere was van Veurne, comen es van den live

ter doot, ende ionfrouwe Iehanne sine weduwe, metgaeders Damiaen Knibben,

die madelare ghemaect was omme madestede te pliene van der voorseider doot,

naer costumen ende usaigen van der vorseider stede, quite scalt, ter presentie van

den heere ende van der wet van binnen ten grave van Michiele vorseit, al

tgoent dat baer ende den kinde Michiels vorseit toe mochte syn comen bider

vorseider doot beede van erven, catheilen, bate ende ombate, ende naer den

vorseiden quytseeldene, so nam Iacob Vander Borch, Clais sone, over bate ende

ombate van der selver verstervenesse, bi consente ende octroyen van den heere

ende van der wet van binnen, ende bleef int ghesach van der vorseider weduwe

ende kinde, ghelike dat si ghesyn zouden hebben inde vorseide verstervenisse,

hadden zyt niet quyte ghescouden, dan of Iacob vorseit handelinghe ende maneanche

liadde ten tiden dat hi levende, also menighen mensche kenlic was. Daer naer

achter de doot van Iacobe vorseit, so nam ioncvrouwe Marie, nu weduwe van

Iacobe vorseit, over tieghen Inghelramme Vander Borch ende Gontier den Ram,

die wettelike voechden waren in Veurnambocht van Iacobs vorseiden kinderen,

al de catheilen bleven achter de doot van Iacobbe vorseit, beede van zinen cateilen

ende van Michiels Vander Borch catheilen, bi zekeren prise der of ghelopen bi

deellieden, ende oniine dat soe al de vorseide catheilen over ghenomen hadde,

înder manieren ende condicien also vorscreven es, so eist dat ioncvrouwe Marie

vorseit, uter virtuut van den vorseiden overnemene, comen es voir ons manncn,

scepenen ende coriers vorseit, kende ende liede dat zoe wel ende loyalike sonder

fraude vercocht heeft eenen waerden religieusen ende gheminden vader in gode,

myn heere den abt ende den convente van S. Niclaus van Veurne, een muelne

metten standaerde, ende met al datteren muelne toe behoort, uytghenomen den

wal, staende int ammansceip van booster poort, in de prochie van sher Willems

capelle, bewesten hove datmen scelt den vrouwen, boosten Lammins brugghe,

18

138

ende dat ommc een zekere somme van ghelde dan of hout zoe haer wel vernoucht, ende vulbetaelt ende stelt daer of quite myn heere den abt ende den convente vorseit ewelyke tallen daghen ende hem allen wiens quitanche toebehoert, ende zoe heeft hemlieden belooft van vorseiden cope ghebruucsaem te laten sine, den vorseiden coop goet ende ghestade te houdene teweliken daghen, ende te waran- deerne tieghen elken die hemlieden of haren naercommers daer of onghebruuc doen mochten. In kennessen der waerheit hebben wi mannen scepenen ende coriers vorseit dese presente letteren ghezeghelt met onsen zeghel; dit was ghedaen den zestiensten dach van october, int iaer ons Heren m° cccc° ende twee.