Nos frater I. dictus abbas et conventus S. Nicolai, W. prepositus, D. decanus, et N. Calewart canonici S. Walburgis Furnensis, notum facimus universis pre sentem paginam inspecturis, quod Egidius dictus Canis et Margareta uxor sua, recognoverunt coram nobis ad hoc rogatis et vocatis, se vendidisse et iusto precio eis persoluto, converpivisse, coram scabinis officii Furnensis, videlicet dompno Theo- dorico Champenois, Philippo de Nova ecclesia militibus, Woitino de Ikelbeca, Boidekino de Locra, Gerardo de Lensellis, et Iohanne Zac, tres mensuras terre hereditarie quas habebant in parrochia de Wilhelmi capella, iuxta motam Lotini, filii dompni Cristeloti militis, que terra vocatur Muetnemeet, ecclesie beati Augustini Morinensis. Qua converpitione legitime facta et coram nobis iterata, dicta ecclesia predictam terram prefatis Egidio et eius uxori reddidit perpetuo possidendam, sine divisione, per heredes, pro xi solidis annui redditus, medietate in Nativitate beati Iohannis Baptiste, et alia medietate in festo S. Remigii pcrsolvenda, ita quod si ad prefatos terminos iam dictos, xl solidos non solverint ecclesie memo- rate, vadiaverunt quod pandari possint per iusticiam laycalem, et hec promiserunt sepedicti Egidius et Margareta uxor sua, contra omnes, prenotate ecclesie yvarandire; et notandum quod decedente dicto Egidio, vel successoribus eius, rclevium aliquod, vel introitus de dicto redditu nullatenus solvi debet; que ut imposterum memorie

139

commendantur, ad peticionem et instanciam dictarum parcium, presens scriptum propter hoc confectum, nostrorum duximus sigillorum munimine roborandum. Actum anno Uomini m° cc° xxxix, feria sexta post octavam Trinitatis.