Wy Clais De Boye, crichoudere, Willem Vanden Walle, Willem De Muts, Ian Pieters sone, Gregorius Veise, ende Ian Scierinc, scepene ende kuerheers van Veurnambocht, doen te wetene allen lieden dat ons kenlic es ute dien dattie hcere Diederyc De Ghelre, proost vander abdyen van S. Niclaus in Veurne, in de name ende als. procurerere vanden vorseide kerken, wettelike hiesch in vierscaren, Amant Wouters sone, enen aervachtighen wech, omme te vaerne ende te keerne, met zole, met zade, met paerden, met waghenen, ten aizemente van den huus te Vockinewerve, ende vanden lande der toebehoerende, over eenen iocwech lig- ghende, boosten den vorseide huus streckende oostwaert vander strate, dat hem Amant vorseid wettelike sinen vorseiden heesch kennede, ende dat hi hem wettelike was ghewyst te vulcommene bin den ghenachte inder manieren also hine kennede.

223

In kennessen van desen dinghen hebben wy crichoudere, scepene ende kuerheers vorseit, onze zeghele ghehanghen an dese lettere, int iaer ons Heeren m° ccc° ende lvh° upten vichtiensten dach van septembre.