Wy Ian de Brede, Clais de Brune, Ian de Lustighe, Ingheraven de Vos, ende

Ian Vanden Duen, scepenen van der poort van Veurne, doen te wetene allen

den ghenen die dese lettere sullen sien ende horen lezen, dat Pieter de Marseman,

poorter van Veurne, cochte ieghen den abdt Lambrachte, ende ieghen convent van

S. Niclaus te Veurne, al tlicht datmen offert upten dach van S. Marien Lichtmesse

19

146

dat in die kerke comet orame te offerne dat spapen hant comet. Of en ware dat zake datmen offerde met enen like, ofte iaerghetiden, ende te dertich nachten, dat licht soude wesen spapen. Ende tander licht dat es der kerken van S. Denys van Veurne, om v scelinghe vlaemscher peneghen, die dabt ende convent hier in vorseit hebben up die kerke van S. Denys van Veurne, elkes iaers ewelike te gheldene, te S. Marien Lichtmesse die eerst comen sal, ende also voort van iare te iare ewelike. Ende deze vorseide Pieter De Maerseman, gaf deze vorseide vyf scele siaers ewelike, der kerken van S. Denys van Veurne, ende xvi pene vlaemsce siaers ewelike daer toe, ende hi hevet di kerke van S. Denys van Veurne bezet ende gheassigneert vander rente atso als hier in gheseit es, daer bi so es de kerke van S. Denys van Veurne sculdich deze Pieter De Maersemans ende syn wives iaerghetide te doene up S. Marien Lichtmesse die eerst comen sal, ende also voort van iare te iare ewelike, met een half pont caersen ende met een half pecket wyns, ende met tween penninc broden, ende te doen biddene over den genen diet gaf. In deze orconscepe van desen vorseiden dinghen, wy scepene vorseit orkonden bi onzen zeghelen die an deze lettere hanghen die waren ghemaect int iaer vander Incarnacien ons Heren, m cc vier warf twintich ende xn, up S. Marcx dach in maent van aprille.