15 Mei 1298.

Nous Walerans sires de le Monioie et de Faukemont et Jehans sires de Kuc chevalier, faisons savoir a tous, com nostre chier et ame segneur Guys cuens de Flan- dres et marchis de Namur et Renauls cuens de Ghelre se soient mis de tous debas et contens et de toutes cho- zes quil ont eut a faire li uns envers lautre jusques au jour duy, sur nob'e houmes Jehan duc de Lotheriche, de Brabant et de Lenbourgh , Gerard conte de Julers,

Evrard conte de le Marke , et sur nous deus anetit (1) es trois deseure dis, si come il appert par ses lettres pendans quil en a donnees saielees de sen propre saiel: nous proumetons et avons enconvent a nostre chier jegneur Guyon conte de Flandres et marchis de Na- mur deseure nommet, que li dis de lui et dou conte de Ghelre desus dit ne sera jadis ne wuiedies (2), se ce nest par le consel et lotroi de noble houme monsegneur Willaume de Mortaigne chevalier segneur de Dossemer et de maistre Jake de Donze clerc et recheveur a mon segneur de Flandres, et chou avons nous enconvent a tenir bien et loiaument a monsegneur le conte de Flan dres deseure dit, par le tiesmoingh de ces lettres pen dans saielees de nos saiauls, qui furent faites et donnees en lan de grace mil deus eens quatre rins et dis wit, le jour de le pentecouste.

Origineel op perkament met aan perkament banden hangende zegels in groen was, van Monjoie en Cuick te paard , met con trazegel.