22 Norember 1597.

Sire 1 J'ay différé descripre a vostre Matrf depuis la rendition des villes d'Alpen, Rhynberck etMoers, jusques ores, pour ne l'importuner trop souvent avec mes lettres, mais d'aultant que je me sens obligé de rendre a vostre Mal<! compte particulier de mes actions , que je scay tendre a son service. Je ne puis celer a vostre Ma'"* qu'aprez estre passé le Rhin avec ladite armee, j'ai mis le siege devant Grol, dedans laquelle ville estoit le conte de Limbourch , le Sr Paulo Emilie de Martinengo , et aides Capnes, jusques au nombre de douze compaig- nies d'infanterie, et trois cornettes de cavaillerie; les quelles au bout d'environ dix jours je mettois en telle extremité, quilz desiroient entrer en traicté avec moy. Ce que je leur accorday. En sorte quilz me rendirent la ville, armes et bagages sauvis. De la je me rendois

— 350

devant Bredevoort, ville et chasteau , assises en lieu mal aisé a approcher, mais non obstant je fiz tel debvoir, qu'en moins de huict jours, je plantois mon artillerie au bord du fossé de ladite place. La garnison se fiant sur les forces des rampars, opiniastroit tellement a se defendre, que je fuz contraint a venir a l'assault. Ce qui fut faict le mesme jour, que je battois la place. L'ennemi ayant abandonné la ville prennoit sa retraicte au chasteau , dedans lequel il se rendit aussytost en ma misericorde. Et ayant mis ordre au reparement des breches, je m'en allois vers Oldenzeel, et entretant que je rendois peine pour environner la dicte ville, celles de Enschede et Otmarsum se rendirent sans at tendre ma venue, comme fit la dicte ville d'Oldenzeel, bien peu de jours aprez. De la je prennois mon che min vers la ville et chasteau de Linghe. La dedans es- toient mes cousins les Contes Frederic et Âdolph van den Bergh , avec environ six cens hommes d'infanterie, et une cornette de cavaillerie. Ils avoient tres bien fortifié la place, et proveue de toutes necessitez. Ce qui me fit arrester un petit plus long temps, que je n'avois estimé. Ils se defendirent fort bien, mais ils furent enfin contraincts de se rendre , et suivre les aul- tres. Dequoy jestois de tant plus aise , que desja l'on me mandoit que le Cardinal d'Austriche se venoit mettre devant Ostende, et me donnoit tant plus d'occasion , de haster mon retour devers la Haye. Au que je suis ar rivé devant hier. Je rens graces a Dieu du bien, qaiï luy a pieu faire a cest Estat, ayant par cest exploict affranchy tout ce que l'ennemi occupoit, entre les fleuves du Rhin , et la Eems, et donné moyen a Mes sieurs les Estatz de tenir doresnavant leurs forces unies, et plus a la main, pour les employer au service de

vostre Ma^. A laquelle je baise treshumblement ieS mains, en priant Dieu la conserver

Sire! En sa saincte protection; de la Haye le 22 do Novembre 1597.

De vostre Maté

tres humble et tresobeissant serviteur Maürxce de Nassau.

Au Roy de France et de Navarre. ';