Wir Marimilian von Gots gnaden, Erwelter Römischer keyser, zu allen Ziten merer des Reichs, Jn Germanien, zu Hungarn, Dalmatien, Croatien ic. König, Ertzhertzog zu Oste- rich, Hertzog zu Burgund, zu Brabant vnnd Psaltzgrave :c., Empieten vnserm vnd des Rychs getruwen Hansen von Sudeck, Frygreven des Fryenstuls zu Liechtenfels Jnn Westphalen, auch Hansen Schonherrn, Philsticker genannt, vnnser Gnad. Wie wol inn gemeynen Rechten auch vnser, vnser oorsarn vnd des heyli gen Rychs sonderlich Reformation vnd Ordnung inn der gemeyn innhaltende, das ein yeder zu dem Demants spruch oder Forde rung zu habn vermeint, inn erster Jnstantz vor synem ordentli chen vnnd sunst vor oder von keynem andern richter fürgenom men werden, vnnd inn sonderheit vff vnscrm vnd des reichstag zn Worms im fünff vnd ncuntzigisten Jar, der minder Jarzal Cristi gehalten, vnder andern,, der heymelichen Westphelisckien gericht halb, ernstlich versehen ist, das daselbst hin niemant ge fordert, geheischen oder geladen werden, dan die vnd vmb sachen, die dahin gehoren oder der man zu den Jren nir mechtig sin mocht, so sollet Jr doch, wie vnserm keyserlichen Cammergericht die Ersamen vnser vnd des Reichs lieben getruwen Burgermei- stere vnnd Rat der Stat Franckenfurt mit Clage fürbrengen las sen, ober vnnd wieder das alles auch ober das sie vnnd gemeyne Stat Franckenfurt von vnßern Vorsarn am Reich, Romischen Keysern vnd Konigen, das sie oder die Jren by merglichen pe- nen nyrndert anderswo wa» vor iren ordentlichen Richter fürge

— 257 —

nommen werden sollen, auch dartzu v«angesehen das dieselbe von Franckenfurt vnd gemeine Star vnns, dem heyligen Reich vnd vnserm keyserlichen Cammergericht vnderworfen, zu Ern vnd recht wole gesessen, dartzu durch vns vnnd vnser Cammergericht wole zuvermögen, auch eynen yeden vff gepürlich erfordern daselbst recht zu geben vnd zu nemen nie geweygert, oder vorgewest, son der genugick vnd vrpietig sin, vor etlichen »erschienen tagen nem- lich du «bgedachter Schonherr vff vnbestendig vnerfintlich ange ben, sie dieselben Burgermeister vnd Radt an gemelten West- phelischen stul vnd gericht fürgenvmmen vnnd du gedachter Hang von Sudeck daruff gegen Jnen eyn vermeinte Ladung vnnK gepot vor dir vff eynen bestimpten recht tag zu erschynen vnd demsel ben cleger zu antwurten, vßgehen vnd verkhünden lassen haben, vnns vnnßer vnnd des Reichs Oberkeit, Jurisdiction vnd gemel- ter Ordnung vnd versehung zu nit kleyner veracht vnnd den ge nannten von Franckenfurt vnd gemeyner Stadt zu mlrglichem Vm- tryben, nachtheyl vnd schaden, deshalben dan dieselben von Fran ckenfurt darvff gegen solichem Euwerm vnbillichen fürnemen vnd nachfolgende Abforderung, Mandat vnnd andere nottürftig Hilff des rechten demutiglich anruffen vnd bitten lassen haben. Wan wir nun menglich gepürlich hilff des rechten mit zu teilen schuldig vnd geneigt, auch der genannten von Franckfurt, als vnns vnd dem heyligen Roch auch vnserm keyserlichen Cammergericht one Mittel vnnderworfen, zu Jren vnd recht mechtig, auch die obge- melte Cleger vff gemeyne tröstung, sicherheit vnd geleit, so meng lich, der vnnser keyserlich Cammergericht vmb recht besucht zu vol- fürung syner sachen, vnnser vnd des Reichs Ordnung nach, hat vnd haben soll, vff din anruffen, gestatten vnd verhelffen wollen, das sie auch zugeben vnd zunemen vrpütig, vnd demnach Jnen solich Abfordernng, Mandat vnd Ladung mit recht erkant worden sin, So verkünden wir euch solich alles vnd heyssen vnd fordern darvff derselben Burgermeister vnd radt auch die sach obgemelter Ansprach, for vnser keyserlich Cammergericht, als Jr recht ordent lich gericht, zu recht zu wyßen, von vnd gegen obgemelter vßgan- gener benanter Ladung ab mit dissen, vnserm keyßerlichen offen Brieff, vnd gebieten euch daruff beden vnd Euwer yedem beson der von Rom. keyß. macht, auch gerichts vnd rechts wegen, by vnser vnd des heyligen Reichs sweren vngnad, straff, vnd Buß, vnd sonderlich eyner pene, nemltch drvssig Marg lotigs Golds inn vnser keyßerlich Cammer vnablaßlich zu bezalen, hirmit ernst lich vnd wollen das Jr von stunt, nach uVerantwortung dieser vn ser keyserlich abforderung vnd Mandats, obgemelte ewer vermeinte vßgangn Ladung, Mandat vnd was darvff gevolgt were, ab

17

— S58 —

schaffet, abstellet, vffhebt vnd cassirt, vnnd darvff denselben von Franckefurt zu nachteyll ferrer, mit ansucht,, erkantnuß, noch in ander weg nit procedirt, handelt, vßgeen lasset noch fürnemet, wedder durch euch selbst noch andere in kein weg oder wyß, vnd in dem allen euch nit anders erzeiget noch haltet, als lieb euch vnd ewer sedem sy, obgemelt Vngnad vnd straff, Buß vnd peen zu vermyden, daran thut ir vnnser ernstlich meynung. Wo Jr aber diesen vnsern keyserl. Abforderung vnd gebot v»gehorsam er- schvnen wirdet, alsdan so heyschen vnd laden wir euch hirmit von obgedachter keyserlicher macht, das Jr vff den zwölften tag des Monats Novembris nehst künftig, den wir euch vor den ersten, andern, dritten, letzsten vnd endlicha rechttag setzen vnd benen nen peremtorie, oder ob derselbs tag nit ein gerichtstag sin würde, den nehsten gerichtstag darnach selbst oder durch ewer volmechtig anwalt an gedachtem vnserm Camergerichr erschynet zu sehen vnd zu hören obgemelte ewer vermeinte Ladung vnd Fürheischung, mit samt allem dem, so darvff vnd darvß gevolt were oder noch würd, mit vrtheyl vnd recht, vff der gemelte von Franckefurt anruffen, vffheben, vernichten, cassirn vnd für vnd als vncreff- tig vnd nichtig, vnd dartzu euch vmb solich ewer frevelich, vnge- horsam vnd verachtung, in obgemelte pen versallen zu sin, ercleren vnd erkennen, auch ferrer proceß gegn euch vßgeen lassen, oder aber rechtmessig Vrsachen gegen den allen in recht fürtzubrengen vnd entlichs Entscheids darüber zu erwarten. Wan Jr kommet vnd erschynet alsdan also oder nit, so wirt nichts destominder vff des andern gehorsamen theyls anruffen mit obgemelter vffhebung, Cassation, vernichtigung, erclerung vnd erkantnis, vnd sunst im rechten procedirt, wie sich nach siner Ordnung gepürt, darnach wisset euch zu richten. Geben zu Wormbs am sechsten tag des Monats Octobris nach Cristi Gepurt Fünffzehenhundert vnd im Eylfften, vnnßerer Reich des Römischen im sechs vnd zwemzigi- sten vnnd des Hungerischen im Zwei vnd zwanzigisten Jare.

Ad mandatum domlni

Jmperatoris proprium.

Ambrosius Dietherich.

Judicit Camere Jmperialiö prothonotarius subscripsi.

Auscultata est präsens Copta per me Melchiorem Swar- tzenberger prothonotarium opidi Franckenfordan. et concor- dat cum vero original!, quod protestor manu propria.

— 259 —