Wir Wigand Henckus, Frigreve des heiligen Römischen Richs vor dem Hallenberge, Diederich Smullinch, Frigreve desselben Romischen Richs vnd des eteln Junchern Berndes Heren tzo Bu ren vnd Heinrich Kerstien, Frigreve des vorgenanten heiligen Richs vnd des strengen Knapen Herman Gogreven, Bekennen vnd doen kund in vnd mvd crafft dusses Breves Allen frighcn scheffen der hemelichen Achte, Borsten, Greven, Heren, Rittern, knechten, frigreven vnd allen erhafftigen frienscheffen, das wir vff hude dieses daghes datum dieses Breves den frienstol vor dem Hallenberghe gespanner Banck von macht wegen des heiligen Romischen Richs beseiten vnd gecledct hatten, als vns ordcil vnd recht to gewisend vnd gedeilet wart by koiniges Banne, Dar vor vns gekommen ts Heinrich Techen, vnderfoigt tzo Masmünster vnd Burger daselbs, als eyn volmechtig procurator der stat Mas- münster obern vnd neddern tal vnd was darin gehvred van Ha> nebach vnd tzo kratzen von mans namen vnd hevet dar vor dem gerichte getoget eyn volenkomen procuratorium von der vorgenan- ten stede vnd Amptes wegen, so das das Gerichte des gelooich was, So hat der vorg. Heinrich Techen vormytz sinen Vorspre chen sich vor vns an dem Gerichte seer hoe beclaget, wie das se Henne Talentsa Frigreve vff dem Hollen Arnde mit vnrechter Verbodunghe vnd vngerichte von wegen epns, geheien Hans Ro- besame der Elter anlangende, So deselven von Masmünster dem

— «35 —

vorgenanten Robesame nun ere oder rechtis vßgegangen oder ge, weigert hedden, des doch de vorg. Heinrich Techen eyn volmech- tig procurator der vorgen stede vnd Amptes einen offen besigel- ten Brieff mit zwein anhangen Segeln vor vns an dem vorge- nanten gerichte gewised vnd getoget hevet, dar ynne der wolge- dorne Here Markgrave Wilhelm von Hochberg, Here zu Rotel vnd tzu Susenberch, Ho der Zyd des hochqebornen Forsten vnd Hern Hertzoghen Friderichs, Hertzogen tzo Osterich, Lantvogt im Elsas, von tvegen der von Masmünster vorg. dem ergesch. Hans Robesame Ere vnd recht vor se geboiden haid in bywese» des Edeln Heren Gras Hans von Diersteln :c. dar de vorg. Marck- grave Wilhelm auch dem vorg. Robesame gut vor sin wulve, das eme ere vnd recht weder saren solde vff gelegen tagen vnd steden dar sich das geborde, Des de vorg. Robesame vorweigerunge gedan hevet, vnd nicht von den von Masmünster nemen wulde als das derselve Brieff clerlichen vßwised, das eme eyn Vulge- bod gescheen was, daruff so had der egenant Henne Salentyn Frigreve vnredeliche Lad Breve ober se gesand, de er auch an demselven gerichte vor vns gelesen vnd getoget haid, dar ynne er se by eren namen vnd tonamen nicht geeisched vnd geladen haid, als des heiligen hemelichen gerichts recht ist vnd geburd, vnd vff sodan Gebod als dem vorg. Robesame gescheen was in maßen vorg., So vragede de vorg. Heinrich Techen procurator vormyddest sinen vorsprechen eins rechten Ordeils vnder koniges Banne, Na dem Hans Robesame vorg. sulllch Gebod gescheen were, off eyntch frigreve dar enboven eme gerichte doen mochte edder wad da rechts vmme were, Das Ordeil stalten wy Frigre- ven vorg. an Henckin Smeddes vnd Heinrich Laurn, de gengen uß vnd bereden sich mit vil Ritterschafft vnd erhafftigen scheffen vnd quamen weder vor vns vnd wiseden vor recht, Boben soden Gebod en geborde neynen Frigreven tzo richten, Richtede er dat en boven, das solde vnbündich sin vnd keyn macht hain, »ort fra- gede de vorg. procurator vermiedest sinen Vorsprechen eyns rech. ten Ordeils vnder koniges Banne, off Jenich Frigreve ymande vor eynen frigenstol laden mochte, er were eyn Frischeffen oder nicht, er enbenomede e» in dem Ladebrieve by synem namen vnd tonamen, dat Ordeil stalte wy Frygreven vorg. an Heinrich La> chen vnd Herman Smitman, de gingen us vnd bereden sich mit vil Ritterschasst vnd erhafftigen scheffen vnd quamen wedder vor vns vnd wiseden vor recht, das keyn Frigreve eymand laden noch verboden solde vor neynen frigenstol, er enbenomende se dan in sinem Breve by eren namen vnd tonamen. Vort fragede der vorg. procurator vvrmiddest sinem Vorsprechen eins rechten Or

Keils vnder koniges Banne, off eynich Frigreve vff svlich Ladunge einige frienscheffen offte vnwetende man mid des heiligen Richs rechte vorvemen edder verforen mochte, edder war dar recht vmme we, das Ordeil stalte wyr Frygreven vorg. an Hennen May vnd Hennen Bolmans, de gingen vß vrid bereden sich mid vil Rittcrschafft vnd erbaftigen scheffen vnd quamen wyder vor vns vnd wiseden vor recht, das en mochte neyn Frigreve doen, dede das eyn Frygreoe dar enboven. de Vemunghe mochte nicht bestan vnd were machtloß vnd vnbindich, Vort fragede de vorg. procurator vormiddest sinen vorsprechen eins rechten Ordeils vn der koniges Banne, Synt dem male das vor recht geiviset were das sodan Vervemunghe machtloeß vnd vnbündlich vnd vor eyn vngerichte erkand werde vnd were, off man de jene de so gela den weren vnd de greve so fe darvff vervemet hedde myd sulchem Vngerichte, das se by gebracht hedden als recht were, off man se icht wedder in eren Frede vnd recht setten solde edder was dar recht vmme were, das Ordeil stalte wy Frigreven vorg. an Hey neman Wormes vnd Goddert Haken, de gingen vß vnd bereden sich myd vil Ritterschafft vnd erbaftigen scheffen vnd quamen wed der vor vns vnd wiseden vor recht, Man solde vnd mochte se wole weder in iren Fridden vnd recht setten, als des heiligen Richs heimeliche Achte recht we vnd sich geborde, Vort fragede der vorg. Heinrich Techen procurator vormiddest finen Vorspre chen eynö rechten Ordeils vnder Koniges Banne, Nachdem als er selven Jegenwerdich dar were vnd eyn volmechtig procurator der andern alle, so er gewiset und bigebracht hedde in dem Ge richte, so recht were, off er icht sich selver vnd all de andern myd namen edder vnnamhafftich, de so myd dem vngerichte geladen vnd vervemet weren vß Masmünster vnd Ampt vorg. in eren fredde vnd recht, mochte setten laten vnd entsaen to Behoff erer aller des Freddes to gebruckende, das Ordeil stalte wy Frigreven vorg. an Corde von Grasschap gnant Voß vnd Herman Trumpecherö, de gengen vß vnd bereden sich myd vil Ritterschafft vnd erhastt- gen scheffen, vnd quamen wedder vor vns vnd wiseden vor recht, Er mochte sich in sinen Fredde vnd Frigheit setten latten von siner vnd er aller wegen, des solden se gebrucken, gelich eme vnd als se Jegenwordich an dem Gerichte weren, Alle Kusse Ordeil die se gefraget vnd gewiset sini vnd sunder wyderfpracke to gela- ten synt als recht ist vnd de Ritterschafft vnd die andern «has tigen scheffen nicht besser enwisen darvff, So hau wir Frigreven vorg. den vorg. Heinrich Techen vnd alle de Jene der he war procurator ist in dissen sachen, to siner vnd er Behoef, in eren Fredde vnd recht gesad vnd Frede gewerket vnder koniges Banne,

das st des Freddes gebrucken moghen als des heiligen richs vnd der hemelichen achte recht ist vnd eynen tclichen Frischeppen to gebort. Vort hat der vorg. Heinrich Techen procurator vermid- dest sinen vorsprechen eins rechten Ordeils gefragt vnder konigs- banne, Synt dem male des Henne Salentyn Frigreve vnd Hans Robesame vorg. myd sulchem Vngerichte, als das erwised vnd er- kant ist, dussn vorg. von Masmünster stat vnd Ampt in grote Kost vnd schaden gebracht hebben, off se er, de kost vnd schaden icht richten vnd abetragen sollen, off wat dar recht vme so, Das Or- deil stalten wy Frygreven vorg. an Tepeln stynen vnd Gerken Pipers, de gingen vß vnd bereden sich mit vil Ritterschafft vnd «hastigen scheffen vnd quamen weder vor vns vnd wiseden vor recht, das se en alle er koste vnd schaden richten vnd abetragen solden, Des Ordeils wyr Frigrasen vorg. fulbord gefraget hain vnder konlges Banne vnd ist tzo geladen sunder Wederspracke vor der Ritterschafft vnd erhaftigen scheffen das wy vnd se des nicht anders enwisen dan das recht sy, Vnd disses to kuntschafft vnd merer sicherheid aller vorg stücke vnd artickule, Orteil vnd recht wisunge von anbegun wentte tzo dem ende als vorg. ist, vnd myd recht dar gegangen sunder Argelist, So han wyr Frigreven vorg. Wigand Henkus, Diederich Smulttnch, vnd Heinrich Kerstiens vnser iclich sin Jnges, an dussen Brieff gehangen vnd han vort gebeden de gestrenghen Conrad von Vermynne, Philipps von Be- denfelt, Herman vnd Johan von dorvelde, Gebrode, so se das Gericht medde bestanden han, das se er Jnges, by de vnser an dussen Brief han gehangen, des wyr Coeret Philipps, Herman vnd Johan vorg. also bekennen. Gegeven des negesten Donners tag nach sante Laurencius daghe nach gotis Geburt Dusent vier- hundert vnd in dem neghen vnd drißigsten Jare.

Ich Johan Brendel von Hoenberg vnd ich Gerlach von Lon- dorff, Edelknechte vnd bede Frischeffen, Bekennen vns öffentlich mit dissem Brieffe, des wir einen Brieff mit siebenden anhan- genden Jngesiegeln besigelt vntzubrochen vnd vnverletzet gesehen vnd gehort han lesen, als der von worten zu Worten hievor ge schrieben steet, vnd nemen das vff vnsere Eide, die wir in der heimelichen achte zum Frienscheffen Stule getan han. Des zu Brkunde vnd Bekentnis hat vnser yglicher sin Jngestgel an diesen Brieff gehangen. Datum anno dm. Millesimo quadringentesimo quadragesimo primo in die sancti petri ad vincla.

— L38 —