Verpelét. in Welpruth, quinto die termini prenotati: feria quarta proxima in octavis diei medii Quadragesime. Nos magister Nicolaus filius Gregorii comes de Hevesvyuar et iudicis nobilium eiusdem comitatus significamus vniuersis quibus expedit presentium per tenorem quod cum nos ob regio mandato literisque suis mediantibus, feria quarta proxima in octavis diei medii Quadragesime pro compescendis furibus latronibus et aliis malefactoribus congregacionem in Welpruth celebrassemus generalem Iacobus filius Deseu de Rede ab una, item Ioannes et Stephanus filii eiusdem parte ab altera coram nobia personaliter exsurgantes per eosdem propositum extiterunt (!) et ralatum, quod cum ipsi ob ordinacionem Oliuari filii Demetrii, Ladislai dicti Garduan de Rede et Mykocha ac Johannis dicti Wanyarch de Rede Sancti Martini proximorum et commetaneorum suorum, tale inter se perpetualem fecissent divisionem eo modo, quod omnes possessiones ipsorum ad tres partes divisissent, ex quibus octo fundus curie in eadem Rede habita (!) simul cum quadam possessione Fanchaltelky vocata una cum fundo curie avi sui cedisset Stephano parvulo filio suo cum omnibus suis vtilitatibus et pertinenciis vniuersis perpetuo possidenda, item secunda pars videlicet tres loca sessionalia in eadem Rede habita a parte orientali et a parte Garuk adiacenti cum quinquaginta iugera terrea similiter cum omnibus suis vtilitatibus Johanni filio suo iuniori cedisset perpetuo possidenda, item tercia vero pars cum tribus locis sessionalibus in eadem Rede cum quinquaginta iugera a parte Jaruk orientali iuxta fluvium Patha devoluta similiter cum omnibus suis vtilitatibus cedisset comiti Iacobo patri eorum perpetuo possidenda, insuper affirmarunt predicti Iohannes et Stephanus quod quia cum domina matre eorum equacia adducta fuissent, ideo predicto patri eorum nihil ex ipsis dare tenerentur nisi sibi soliti conservarent. Ad cuius peticiones nostras concessimus literas patentes nostri sigilli consignatas. Datum in Welpruth quinto die termini prenotati anno Domini Mmo CCCmo quinquagesimo primo. Eredeti, hártyán, hátlapján zárópecsét nyomával. – Regeszta forrása: OL regeszta HEVES MEGYE