Beatissime pater, ut animarum saluti devotarum oratorum vestrorum Mathei, Sancti Martini Sacri Montis Pannonie ac Iohannis, Sancti Benedicti de iuxta Gron, Nicolai, Sancti Michaelis archangeli de Batta, Blasii, Sancti Mauricii de Bacombel ordinis Sancti Benedicti monasteriorum abbatum, necnon Gregorii, prepositi monasterii Sancti Michaelis archangeli de Chorna ordinis Premonstratensis, Iohannis Ihamon, rectoris capelle Sancti Michaelis archangeli in parochiali ecclesia Assumpcionis Beate Marie Virginis de Zered ac Martini de Tervacsia (!) et Marci de Sclavonia monachorum dicti ordinis Sancti Benedicti in dicto rmonasterio Sancti Martini professorum Strigoniensis, Quinqeecclesiensis, Iauriensis et Vesprimiensis diocesis, salubrius consulatur, supplicant humiliter sanctitati vestre oratores prefati, quatenus ipsis et eorum cuilibet specialem graciam faciendo, ut confessor idoneus secularis vel cuiusvis ordinis regularis presbyter, quem quilibet ipsorum pro tempore duxerit eligendum, ipsos et eorum quemlibet ab omnibus et singulis excommunicacionis, suspensionis et interdicti aliisque ecclesiasticis sentenciis, censuris et penis, a iure vel ab homine quavis occasione vel causa, latis et promulgatis, ac votorum quorumcunque iuramentorum, mandatorumque ecclesie et ieiuniorum trangressionibus, primarum iniunctarum horarum canonicarum et divinorum officiorum in totum vel in partem omissionibus, manuum violentarum in quascunque personas de preterito inieccionibus ac periuriarum, necnon homicidii mentalis et casualis ac adulterii, incestus, fornicacionis et sacrilegii reatibus omnibusque aliis et singulis eorum peccatis, criminibus, excessibus et delictis quantumcunque gravibus et enormdeibus, de quibus corde contriti et ore confessi fuerint, eciam si talia forent, propter que sedes apostolica merito foret consulenda, de reservatis semel in vita et in mortis articulo exceptis contentis in bulla Cene Domini legi consueta, de aliis vero eidem sedi apostolice non reservatis casibus tocies, quocies opus fuerit, absolvere et penitenciam salutarem pro commissis iniungere, vota vero quecunque per eos et quemlibet ipsorum pro tempore emissa ultra marinum, liminum apostolorum Petri et Pauli de Urbe atque Iacobi in Compostella visitacionis -- religionis et castitatis votis dumtaxat excetis -- in alia pietatis opera commutare et iuramenta quecunque relaxare, necnon omnium peccatorum suorum plenariam remissionem et absolucionem semel in vita et in mortis articulo impendere possit et valeat liceatque eisdem oratoribus et eorum cuilibet habere altare portatile cum debitis reverencia et honore, super quo in locis ad hoc congruentibus et eciam non sacris eciam ecclesiastico interdicto ordinaria auctoritate suppositis, dummodo causam non dederint huiusmodi interdicto eciam antequam elucescat dies circa tamen diurnam lucem per se ipsos aut quemlibet alium sacerdotem idoneum in sua et eorum ac cuiuslibet ipsorum et familiarium domesticorum et amicorum a casu superveniencium pre honestis presencia sine alieno preiudicio ac excommunicatis interdictisque exclusis missas et alia divina officia celebrare et celebrari facere ac divinis interesse ibidemque eucharistiam et alia ecclesiastica sacramenta sine alieno preiudicio et pascali tempore interdicto huiusmodi eorum corpora ecclesiastice tradi possint sepulture sine funerali pompa, necnon singulis quadragesimalibus et aliis diebus ieiunialibus prohibitis preter quam in hebdomada sancta bytiro, ovis, casao et aliis lacticiniis, si aliter corpora eorum commode sustentari non poterunt ac tempore necessitatis carnibus de consilio utriusque medici ubilibet uti, vesci et frui libere et licite possint et valeant et quilibet eorum possit et valeat. Quodque ut ipsi oratores et eorum quilibet unam vel duas ecclesiam seu ecclesias aut unum, duo vel tria altaria in partibus, ubi singulos oratores pro tempore contigerit, quam, quas vel que quilibet ipsorum duxerit eligenda singulis quadragesimalibus et aliis diebus ac temporibus stacionum urbis cuiuslibet anni devote visitando tot et similes indulgencias ac peccatorum remissiones consequantur, quas consequerentur, si singulis diebus eisdem singulas alme Urbis et extra muros ipsius existentes ecclesias, que a Christifidelibus propter staciones easdem visitar solent, personaliter visitarent, licenciam et facultatem concedere et indulgere dignemini de gracia speciali.||
Constitucionibus et ordinacionibus apostolicis ac quibusvis cancellarie apostolice regulis in contrarium for[sitan] editis ac edendis, quibus omnibus hac vice dumtaxat derogare placeat, necnon statutis et consuetudinibus dictorum monasteriorum et ordinum ceterisque contrariis non obstantibus quibuscunque, cum [clausulis] opportunis et consuetis et de reservatis semel in vita et in mortis articulo, premissis exceptis; et de non reservatis sedi apostolice casibus tocies, quocies opus fuerit, ut prefertur; et de comutacione votorum, premissis exceptis; et relaxacione iuramentorum et de plenaria remissione et absolucione semel in vita et in mortis articulo etc. et supra.||
Et de altari portatili cum ... ante diem ac tempore interdicti etc. ut supra.||
Et quod tempore interdicti possint interesse divinis, ecclesiastica sacramenta recipere et eorum corpora sepiliri, ut supra.||
Et de esu carnium, butiri, quorum et aliorum lacticiniorum temporibus prohibitis, ut supra.||
Et quod visitando ecclesias seu altaria consequantur indulgencias urbis, ut supra.||
Et cum derogacione cancellarie apostolice regularum ac statutorum etc. hac vice tantum.||
Et quod presens indultum durante vita oratorum duret.||
Et quod presencium transumptis manu notarii publici subscriptis et sigillo alicuius prelati vel persone in dignitate ecclesiastica constitute munitis plena fides ubique, sicut originali adhibeatur et quod presentis supplicacionis sola signatura sufficiat.||
Et de altari portatili, quatenus sint presbyteri, aut nobiles aut qualificati tantum.||
Quarum quidem literarum confessionalis talis erat signatura, videlicet concessum, ut pelitur. In presencia nostri pape G. cardinalis Sancti Petri ad Vincula.