[...] videlicet semper ad scitum [...] unacum molendino illic in Chechen existenti ad castrum Sancti Martini pertinuisse; dicit item, auditu sciret, quod predicta medietas ab ipso Georgio Koczor fuisset redempta per prefatum condam dominum regem Mathiam florenis ducentis. Alii vero testes videlicet nobiles Iacobus de Enesse, Vitus Iaro de Zenthpal, necnon providi Franciscus Sarka annorum centum et viginti et Andreas Anghhely de Koronczo, Georgius Fodor de Gyemerew, Andreas Chapo, Barnabas Ispan et Benedictus Ewrsegy de Theth, Bartholomeus Folnyagh et Iohannes Andor de Konya, Laurencius Herman de Bodonhel, Thomas Balassy de Kapthalanpathona et Iacobus Santha de Zenthmyhal possessionibus vicinis et commetaneis predicte possessionis Chechen homines senes et annosi iurati, ut premittitur, et interrogati singuli singulariter ac seorsum et secrete omnes tamen uno ore fassi sunt, dictaque eorum in hoc concordant: quod sciunt, quod a diuturnis temporibus, cuius contrarium memoria hominum non haberet, prefata possessio Chechen semper pertinuit ad abbaciam Sancti Martini et quod licet quod aliquot annis prefatus condam Georgius Kaczor medietatem occidentalem eiusdem ville Chechen titulo pignoris possedisset, monasterium tamen prefatum Sancti Martini in altera medietate orientali scilicet simulcum molendino ibidem constructo semper pacifice perstitisset: dicunt eciam hoc modo a maioribus eorum audivisse. Ad quorum fassiones presentes literas nostras sigilli nostri munimine a tergo roboratas prefato fratri Michaeli nomine quorum supra eas petenti duximus concedendas.||
Datum in festo Beati Francisci confessoris, anno Domini MDXVII. supradicto. [1517. okt. 4.]