Nos conventus monasterii Sancti Martini Sacri Montis Pannonie memorie commendamus, quod venerabilis et religiosus vir dominus frater Ladislaus, abbas de Bel, in sua et conventus loci eiusdem personis ad nostram veniens presentiam serenissimum principem dominum Mathiam, Dei gratia regem Hungarie, Bohemie etc., dominum nostrum gratiosissimum, a donatione, collatione et alia quavis perpetuatione possessionis Balathonfewkayar vocate, in comitatu Albensi existentis habite, eosdem dominum Ladislaum abbatem et conventum omnis iuris titulo concernentis, item Thomam Pan dictum de eadem Balathonfekayar et alios quoslibet ab impetratione, occupatione, detentione, conservationeque et alia quavis sibi ipsis appropriatione, seque ipsos in dominium eiusdem intromissione et statuifactione, usufructuum et quarumlibet utilitatum perceptione et percipifactione qualitercunque factis vel fiendis publice et manifeste in sua et dicti sui conventus personis prohibuit contradicendo et contradixit inhibendo coram nobis vigore et testimonio presentium mediante. Datum in festo Beati Demetrii martiris, anno Domini millesimo quadringentesimo septuagesimo tertio. [1473. okt. 26.]