Coram vobis reverendo patre domino Mariano de Bartholinis de Perusio, utriusque iuris doctore, reverendissimi in Christo patris et domini domini Petri miseracione divina tituli Sancti Cyriaci in Thermis sacre Romane ecclesie presbyteri cardinalis, regnorum ad Hungariam etc. apostolice sedis legati, causarum auditore generali comparet in iudicio procuratorio nomine ac pro parte reverendi patris et domini domini Mathei abbatis et venerabilium ac religiosorum virorum dominorum conventus monasterii Sacri Montis super Pannoniam Ordinis Sancti Benedicti Iauriensis diocesis ad Romanam ecclesiam nullo medio pertinentis contra et adversus reverendum in Christo patrem et dominum dominum Franciscum episcopum Iauriensem omnemque aliam humanam personam pro eo in iudicio comparentem tam coniunctim quam divisim et gravi cum querela agit, facit, dicit et proponit per modum summarii libelli articulatim seu sommarie petitque etiam articulorum ea, que subsequuntur, quibus in quantum artic... Christi verbum credit vel non credit, responderi et si negatum fuerit, illa et illos probare intendit et ad ea seu illos probanda seu probandos se admitti hic Bude et in partibus remissoriamque desuper quatenus opus fuerit, decerni petit, ad superfluam tamen probationem nullatenus se adstringens, de quo expresse protestat.||
Imprimis ponit et probare intendit, quod a X, XX, XXX, XXXX, L, LX, LXX, LXXX et centum annis citra et supra continue et de presenti et a tanto tempore et pertanturo tempus, de cuius initio hominum memoria non existit, monasterium prefatum cum omnibus et singulis illius membris ipsiusque ac abbatis et conventus prefatorum personis, bonis, rebus, vasallis, iobagionibus, servitoribus, officialibus et aliis personis illis subiectis ubicunque locorum consistentibus et existentibus fuerunt et sunt ab omni iurisdiccione, lege, censura, correccione, punicione, visitacione, dominis et superioritate aliisque per locorum ordinarios in subditos exerceri consuetis episcopi Iauriensis pro parte existentis eiusque vicarii ac officialium exempti penitus et totaliter liberati per diversos Romanos pontifices et Ungarie reges, quorum regum litere per sedem apostolicam confirmate fuerunt et approbate extiterunt et sic fuit et est verum.||
Item ponit, quod monasterium prefatum illiusque abbas, conventus, servitores, vasalli, iobagiones ...||
Item ponit, quod dictus episcopus servitores, familiares, officiales et alias eiusdem monasterii personas pluries et in diversis locis tanquam sic per eum excommunicatos de ecclesiis eici et repelli et in eorum presencia a divinis cerrari fecit, procuravit et mandavit et sic fuit et est verum, publicum, notorium et manifestum.||
Item ponit, quod dicti abbas et conventus huiusmodi excommunicationem et alia per episcopum prefatum, sic ut premittitur facta, tanquam iniuriosa, contumeliosa et diffamatoria ad animum revocarunt et revocant de presenti ipsaque ad centum mille florenos auri Hungaricales estimarunt et estimant de presenti, moderacione tamen vestre reverende paternitatis precedente ac ipsa pro totidem florenis nullatenus sustinuissent, aut similia paterentur, quin imo potius de suis propriis solvissent et solverent, si sue sufficerent facultates, quam huiusmodi iniurias sustinuissent aut similia pati vellent. Vestra eadem tamen iudiciali moderacione et taxatione semper salva et sic fuit et est verum.||
Salvo iure etc. Protestatur etc.