Capitulum ecclesie Geuriensis [universis, ad quos presens scriptum pervenerit, salutem in eo, qui est salus omnium. Notitie omnium volumus clarescere, quod] constitutis coram nobis Orez abbate [Beati Martini] de Pannonia ab una, nec non [Dominico et Stephano] de Tütüsi parte ex altera, persentibus (!) et non contradicentibus cognatis et conmetaneis eorum, Akur filio eiusdem et Georgio filio Martini de Merene aliter Meger, perposuerunt (!) asserentes, quod [cum abbas coram Nicholao palatino] a domino rege iudice constituto [terram sufficientem cultui viginti aratrorum ex donatione Catlv repeteret, illam] cum ecclesia Feyreghaz [collatam esse asserendo et in hunc modum diu inter eos lis agitaretur, tandem ex beneplacito eorum et ad consensum plurimorum conventionem in hunc modum inter se fecerunt]: ex parte septentrionis scilicet Merene incipiendo a Pounsa directe ad Sashalom, exinde aliquantum ad meridiem ad viam, qui (!) ducit ad Perinche, metas plurimas per (!) terra Feyreghaz fecerunt; similiter ex parte Tütüsi a Pounsa ad tres metas, exinde penes Perinche ad vias, qui (!) ad Yrkin ferunt, signa metalia et fossata, per (!) eadem ecclesia Feyreghaz terminarunt et [terram] taliter separatam abbati et ecclesie sue iure [perpetuo] reliquerunt [possidendam mediante prestaldo inter eos Poznano de genere Zak]. Ut igitur huius rei series robur perpetue firmitatis obtineat, presentes literas concessimus [sigilli nostri munimine] roboratas. [Anno] ab incarnatione Domini [M. CC. XX.] magistro Demetrio lectore ecclesie nostre existente. [1220.]