Charter: Pannonhalma, Bences - Capsarium (1000-1526) 1244 IV 29
Signature: 1244 IV 29
Add bookmark
Edit charter (old editor)
29. April 1244
IV. Ince fölszólítja IV. Béla királyt, hogy a pannonhalmi apátságnak lefoglalt javait adja vissza. Current repository:
PannH OSB
PannH OSB
- notes extra sigillum:
- 207000
Innocentius episcopus, servus servorum Dei, carissimo in Christo filio ... regi Ungarie illustri salutem et apostolicam benedictionem. Licet adversitates multas pertuleris propter tirampnidem discurrentium Tartarorum, non tamen credimus, quod res desideres alienas, illorum maxime, qui postpositis omnibus, divinis se obsequiis perpetuo devoverunt. Cum igitur sicut ex parte dilectorum filiorum ... abbatis et conventus monasterii Sancti Martini, Ieuriensis diocesis, fuit propositum coram nobis, tu eorum miseriis non compatiens, quorum monasterium ammissis fere bonis omnibus ab eisdem Tartaris est destructum, ad manus tuas decimas, possessiones, redditus et res alias contra iustitiam receperis eorundem, celsitudinem regiam rogandam duximus attentius et monendam, quatinus considerato prudenter, quod grandis acervus inficitur partis adiectione corrupte, ipsis predicta cum fructibus perceptis ex eis pro apostolice sedis et nostra reverentia sine difficultate restituas, ut teneris, preces nostras taliter impleturus, quod divinam exinde gratiam et favorem apostolicum merearis. Datum Laterani, III. Kalendas Maii, pontificatus nostri anno primo. [1244. ápr. 29.]
Comment
Eredeti
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}