Capitulum ecclesie Geuriensis omnibus Christi fidelibus presens scriptum inspecturis salutem in Domino sempiternam. Ad universorum notitiam harum serie volumus pervenire, quod constitutis coram nobis Stephano filio Petri pro se et pro filiis suis Stephano ac Iacobo, Michaele filio Guestred, Marcello filio Silvestri pro se et fratribus suis, Stephano et Nicolao, Pouca filio Iohannis de Uruzvar, Romano filio Wolkan, Hermano filio Gabus, Pousa filio Geyse pro se et pro Petk, Marco ac Nicolao filio Nicolai de villa Reugen, iobagionibus castri Musuniensis ex una parte et fratribus Bonifacio et Henrico, monachis monasterii Sancti Martini de Sacro Monte Pannonie nomine et vice abbatis et monasterii supradicti ex altera, iidem Stephanus et consanguinei sui prenotati quandam insulam suam hereditariam Starduna vocatam cum omnibus utilitatibus et attinentiis suis, silvis videlicet, fenetis, terra arabili ac piscatura Danubii pro modo longitudinis ipsius insule eandem contingentis a parte septemtrionali terre Strigoniensis ecclesie, ville scilicet Pispuky, ab oriente vero et occidente terre eorundem virorum commetaneam, exceptis tribus insulis suis aliis Camara, Evrem et Polonatu vocatis, vendiderunt prefato abbati et monasterio pro quadraginta tribus marcis argenti coram nobis sibi persolutis iure perpetuo possidendam, assumpmentes et obligantes se, ut quicunque super eadem insula ac pertinentiis suis predictis dictum abbatem et monasterium impetere vel molestare processu temporis attemptarent ipsi et eorum quilibet defendere et expedire tenebuntur propriis laboribus et expensis. In cuius rei testimonium ad petitionem partium presentes concessimus litteras sigilli nostri munimine roboratas, anno Domini millesimo ducentesimo sexagesimo secundo, [1262.] Chepano preposito, Iurkone cantore, Hectore custode existentibus.||
A B C D