Karolus, Dei gratia Hungarie, Dalmatie, Cro[atie], Rame, Servie, Lodomerie, Cumanie, Bulgarieque rex, princeps Sollernitanus (!) et Honoris ac Montis Sancti Angeli dominus, omnibus Christi fidelibus, tam pre[sentibus quam] futuris presens scriptum inspecturis salutem in largitore salutis. Cum a nobis petitur, quod iustum est, decet maiestatem ... facilem prebere consensum in hiis precipue, quod subiectorum commodis utiliter videntur convenire; inconcussum namque id permanet, quod regio fuerit patrocinio communitum. Ea propter ad uni[versorum notitia]m harum serie volumus pervenire, quod comes Dethlynus, castellanus castri Sancti Martini de Sacro Monte P[annonie vir dilect]us nobis et fidelis, ad nostre serenitatis accedens presentiam exhibuit nobis duo paria privilegiorum honorabilis capituli ecclesie Iauriensis tenorum insfrascriptorum, unum [quidem factum] super quadam terra seu possessione Durugh vocata in comitatu Iauriensi existente a Dominico filio Iohannis filii [Primus et Iwanka fratre] suo uterino de Bathyan pretio comparata per Lanch, filium Pauli, quondam nobilem de Gewd, memorato Iohanni de Bathyan olim data et donata con[tinens, aliud] scilicet par super possessione Paznan nuncupata et comitatu Iauriensi existente a Iohanne dicto Feyes filio [Michaelis similiter Feyes] filio suo de Rede, simul cum ecclesia in honorem Beati Emerici confessoris in eadem constituta et generaliter omnibus utilitatibus et pertinentiis, similiter emptionis titulo compa[rata a magistr]is Petro et Stephano, filiis Stephani, filii Marci, ratione concambii portionis eiusdem Iohannis possessionibus in [Cheznyk, medi]ante privilegio honorabilis capituli ecclesie Albensis, prout in eisdem plenius conspeximus continentes, olim eidem Iohanni tradita, data et donata emanatum, proponendoque et declarando no[stro cul]mini fidelium servitiorum suorum genera nobis ab antiquo laudabiliter impensa, humili precum instantia nobis devote supplicare curavit, quatenus dicta privilegia possessionarias emptiones et comparationes premissas in eisdem contentas ratas, gratas et acceptas habentes nostris privilegialibus litteris, tenoribus eorundem in eisdem consertis confirmari dignaremur. Quorum primi tenor talis est:||
Capitulum Iauriensis ecclesie omnibus Christi fidelibus, presentibus pariter et futuris, presentes litteras inspecturis salutem in eo, qui est omnium vera salus. Ad universorum notitiam harum serie volumus pervenire, quod Dominicus filius Iohannis, filii Primus de possessione Bathyan pro se et pro Iwanka fratre suo uterino ab una parte, nobilis vir comes Dethylinus, casiellanus montis Sancti Martini de Sacro Monte Pannonie ex altera ad nostram presentiam accedendo, antedictus Dominicus suo et eiusdem Iwanka fratris sui vice et nomine quandam terram seu possessionem suam Durugh vocatam in comitatu Iauriensi existentem per Lanch, filium Pauli quondam nobilem de Gewd, prefato Iohanni patri suo datam et donatam sub certis metis et terminis distinctam et possessam de consensu et beneplacito vicinorum et commetaneorum prefate terre Durugh, prout referebant, dedit et vendidit et tradidit eidem comiti Dethylino et per eum suis heredibus, heredumque suorum successoribus pro tribus marcis denariorum Wiennensium pro tempore currentium in Iaurino, eidem plene persolutis perpetuo pacifice et irrevocabiliter possidendam, tenendam et habendam obligationi tali interposita et per prenotatum Dominicum assumpta, quod quicunque successivorum temporum mutatione eandem terram Durugh ab ipso comite Dethylino vel suis heredibus repetere attemptaverit vel quovis titulo aggravare, prefati filii Iohannis seu eorum heredes tenebuntur expedire eosdem propriis laboribus et expensis. Que quidem terra circumdatur et vallatur possessionibus personarum inferius nominatarum, videlicet a plaga orientis alia possessio Durugh vocata domine regine separat et distingit, a parte meridionali iobagionum castri Musuniensis, a plaga vero occidentis possessio abbatis Sancti Martini de Sacro Monte Pannonie distingit, ab aquilone autem separat et distingit possessio Peer nuncupata domini episcopi Iauriensis et sic inclusive prefata terra Durugh per ipsum comitem Dethylinum [remanet possidenda]. Ad maioris etiam cautele remedium litteras nostras privilegiales olym super ipsa terra confectas sepedictus Dominicus nostri in presentia in manus ipsius comitis Dethylini assignavit. In cuius rei memoriam et perpetuam firmitatem presentes concessimus litteras, appensione sigilli nostri autentici munimine robor[atas. Datum feria qua]rta proxima post dominicam Cantate, anno Domini millesimo trecentesimo vicesimo nono, [1329. máj. 24.] magistris Mathia lectore, Georgio cantore, Iacobo custode, ceterisque fratribus et dominis ecclesie nostre existentib[us].||
... tenor secundi, scilicet super possessione Paznan predicta, similiter talis:||
Capitulum Iauriensis ecclesie omnibus Christi fidelibus, presentibus pariter et fu[turis, presentes litteras inspect]uris, salutem in Domino sempiternam. Ad universorum notitiam harum serie volumus pervenire, quod Iohannes, filius Mychaelis dictus Feyes nobilis de possessione Rede, comitatus Wespri[miensis pro se et pro Ia]cobo filio suo ab una parte, nobilis vir comes Dethylinus, castellanus montis Sancti Martini de Sacro Monte Pannonie ex altera, ad nostr[am presentiam accesserunt] et idem Iohannes quandam possessionem suam Paznan vocatam sub comitatu Iauriensi existentem per nobiles viros magistros Petrum et Stephanum, filios quondam magistri Stephani filii Marci de genere Chaak ratione concambii portionis eiusdem Iohannis possessionarie portionis in castro Cheznyk et in munitionibus [seu turribus in mon]te eiusdem Cheznyk mediantibus privilegialibus litteris discretorum virorum capituli Albensis ecclesie traditam et donatam et per eundem Iohannem pacifice possessam et conservatam usquemodo cum omnibus utilitatibus et pertinentiis universis, videlicet cum ecclesia in honore Beati Emerici confessoris in eadem constituta ac omnibus vineis in ter[ritorio eiusd]em possessionis plantitis et existentibus ac specialiter sub eisdem metis et terminis, quibus eadem possessio per predictos magistros Petrum et Stephanum et ex consequenti per sepedictum Iohannem e[xtitit possessa] de consensu et beneplacito fratrum et proximorum suorum, scilicet Nicolai filii Iacobi et alterius Nicolai filii Zwmur nobilium de eadem R[ede, ne]cnon religiosorum et Deo amabilium virorum domini Nicolai, abbatis montis Sancti Martini de dicto Monte Sacro Pannonie et conventus loci eiusdem dedit, vendidit, tradidit antedicto co[miti Dethyli]no castellano et per eum suis heredibus, heredumque successoribus pro centum marcis denariorum Wiennensium pro tempore currentium in Iaurino decem pensas pro qualibet computatis perpetuo pacifice et irrevocabiliter possidendam, tenendam et habendam nullum sibi ius in eadem reservando, quam quidem sumpmam pecunie centum [marcarum] memoratus Iohannes plenarie confessus est se recepisse a comite Dethlyno prenotato obligatione tali interposita et assumpta, quod quicunque successivorum temporum mutatione prescriptam possessionem Paznan ab eodem comite Dethlyno vel suis heredibus repetere attemptaverit vel quovis titulo aggravare, sepedictus Iohannes, filius Michael et sui heredes tenebuntur eosdem expedire propriis laboribus et expensis, proprietate nichilominus ipsius possessionis Paznan apud eundem comitem Dethlynum et suos heredes semper pacifice remanente. Ad maioris cautele etiam evidentiam rei easdem litteras privilegiales capituli Albensis ecclesie et future cautele remedium in manus sepedicti comitis Dethlyni prefatus Iohannes nostri in presentia assignavit. In cuius rei memoriam et perpetuam firmitatem presentes concessimus litteras, appensione sigilli nostri autentici munimine roboratas. Datum die sabbati proximo post octavas Beati Georgii martiris, anno Domini M° CCC° vicesimo nono, [1329. máj. 6.] magistris Mathia lectore, Georgio cantore et Iacobo custode, ceterisque fratribus et dominis ecclesie nostre existentibus.||
Unde nos memorati comitis Dethylini fidelis nostri devotis supplicationibus benignius inclinati eas iuri consonas et admissioni dignas, memori mente recolentes servitiorum fidelium ipsius merita, quibus ab olim tam nobis simpliciter, quam in persona venerabilis in Christo patris domini et fratris Nicolai abbatis Sancti Martini de Sacro Monte Pannonie predilecti et familiaris nostri multipliciter et multifarie cum eximie fidelitatis fervida sedulitate fere ab evo suo puerili conplacere studuit, de nostra regia benignitate recensentes, dictarum possessionum Durugh et Paznam emptionem et venditionem ex certa scientia et exinde regio nostro favore adhibito ratam, gratam et acceptam habentes dicta paria privilegiorum tenoribus ipsorum de verbo ad verbum insertis, inveniando eadem non abrasa, non cancellata, non in aliqua sui parte vitiata de consilio prelatorum et baronum nostrorum acceptamus, ratificamus, approbamus et in perpetuum presentis scripti nostri privilegialis patrocinio valere confirmamus. In cuius rei memoriam, perpetuamque firmitatem presentes concessimus litteras duplicis sigilli nostri novi et autentici munimine roboratas. Datum per manus venerabilis viri magistri Endere prepositi ecclesie Albensis, aule nostre vicecancellarii, anno Domini M° CCC° XX° nono, regni autem nostri anno similiter XX° nono, XI° Kalendas Decembris, [1329. nov. 21.] venerabilis patribus vacante ecclesia Strigoniensi fratre Ladislao archiepiscopo Colocensi, aule nostre cancellario, Ladislao Quinqueecclesiensi, Nicolao Iauriensi, Benedicto Chanadiensi, Herrico Wesprimiensi, aule domine regine karissime consortis nostre cancellario, Georgio Syrimiensi, fratre Petro Boznensi, Chanadino Agriensi, Meskone Nytriensi, Andrea Transilvano, Ladislao Zagrabiensi et fratre Rodolpho Waciensi ecclesiarum episcopis ecclesias Dei feliciter gubernantibus, magnificis viris Iohanne palatino, Paulo filio Symonis iudice curie nostre, Demetrio magistro thavarnicorum nostrorum, Thoma woyvoda Transilvano et comite de Zonuk, Mykch bano tocius Sclavonie, Iohanne filio Logreti bano de Machou, Iohanne filio Babanyk magistro thavarnicorum domine regine consortis nostre karissime, Deseu iudice curie eiusdem domine regine, Dyonisio dapiferorum nostrorum et Stephano agasonum nostrorum magistris, Nicolao comite Posoniensi, aliisque quam pluribus regni nostri comitatus tenentibus et honores.