Nos capitulum ecclesie Albensis [commenda]mus pro memoria, quod cum iuxta continentiam et formam litterarum arbitratoriarum et obligatoriarum domini Wyllermi, prepositi Agriensis, comitis capelle regie, inter religiosum virum fratrem Petrum, abbatem monasterii Sancti Maurici de Beel actorem ab una, item magistrum Nicolaum, filium Thome de Segwar, in causam attractum parte ab altera confectarum et emanatarum in octavis festi Nativitatis Beate Virginis proxime nunc preteritis [1359. szept. 15.] per octo probos viros per partes adducendos inter ipsos coram nobis arbitrium fieri debuisset, ipsis octavis occurrentibus, prefate partes cum eorum arbitriis coram discretis viris magistris Petro, rectore ecclesie Beate Nicolai confessoris de Alba et altero Petro, similiter rectore ecclesie Beati ducis Emerici, concanonicis nostris per nos predictis partibus datis et assignatis conparentibus iidem octo arbitrii per partes adducti coram ipsis inter ipsas partes taliter arbitrate extitissent, quod predicte partes in octavis festi Beati Martini confessoris proxime nunc venturis [1359. nov. 18.] ad facies possessionum Mester et Zenthmark vocatarum primo vicinis et conmetaneis earundem legitime inibi convocatis cum homine seu testimonio nostro accedere tenerentur et ibidem easdem possessiones coram ipsis conmetaneis et vicinis prefatus dominus abbas iuxta sua instrumenta litteralia reambulare et metas iuxta veteres, ubi evidenter possent reperire et necesse fieret erigire haberet facultatem, si ipse mete absque dubio apparerent; si vero alique mete incerte invenirentur, ubi idem magister Nicolaus contradiceret in erectione metarum earumdem, tunc prelibatus abbas cum duobus nobilibus in comitatu Vesprimiensi existentibus per eundem dominum abbatem inibi adductis signis prius pro metis positis in locis necessariis iuramentali depositione idem dominus abbas dictas metas ecclesie sue recaptivandi haberet potestatem, litteras etiam iudiciales citatorias obligatorias, inquisitorias, prohibitorias et alias quascunque quorumlibet iudicum, capitulorum et conventuum contra se se usque ad hec tempora quoquo modo emanatas mortuas, inanes et viribus carituras relinquissent et relinquerunt coram nobis partes prenotate; preterea super omnibus dampnis, birsagiis, nocumentis, ceterarumque iniuriarum generibus quoquo modo mutua vicissitudine factis et illatis, que hactenus inter partes habite extitissent, alter alteri plenam et omnimodam satisfactionem inpendisset, sicut iidem homines nostri cum predictis partibus ad nos redeuntes nobis modo premisso enarrarunt. Datum in crastino octavarum festi Nativitatis Beate Virginis, anno Domini millesimo trecentesimo quinquagesimo nono. [1359. szept. 16.]