Nos capitulum ecclesie Iauriensis memorie conmendantes tenore presentium significamus, quod magister Ladislaus, filius Lewkus, comes et castellanus castri ecclesie Sancti Martini Sacri Montis Panonie, nostri in presentia personaliter adherendo exhibuit nobis quasdam litteras magnifici viri condam Nicolai Konth palatini relatorias clausas, petens nos precum eum instantia, ut tenorem earundem transscribi, nostrisque litteris inseri facere dignaremur. Quarum quidem tenor per omnia talis est:||
Excellentissimo principi domino Lodovico, Dei gratia inclito regi Hungarie, suo domino naturali, Nicolaus Konth, palatinus regni Hungarie et iudex Comanorum, perpetue fidelitatis obsequia indefessa debito cum honore. Vestre excellentie litteras omni, quo tenemur, honore recepimus in hec verba:||
Lodovicus, Dei gratia rex Hungaria, fideli suo magnifico viro Nicolao Konth palatino vel vices suas gerentibus salutem et gratiam. Dicunt nobis Iohannes, filius Thome et Dominicus ac Petrus, filii Ernee, de Kys-Rouazd, quod regiligiosus (!) vir abbas et conventus Sancti Martini de Sacro Monte Panonie dudum regio et testimonio capituli secum assumptis ipsis insciis et domi tunc non existentibus terras possessionis eorum prememorate usuales per inclusiones metarum, quas ipsi et eorum antecessores, ut dicunt, semper et ab antiquo, in cuius contrarium memoria hominum non extaret, possedissent et conservassent, litigionario processu absque omni ad possessionem eorum Noogrouazd vocatum annexissent et applicasseut ac eas uterentur de presenti in preiudicium eorum non modicum et iacturam. Super quo fidelitati vestre firmiter precipiendo mandamus, quatenus in congregatione vestra generali in comitatu Iauriensi per vos celebranda de eo, si dicte terre ipsorum abbatis et conventus Sancti Martini sint aut eas dicti nobiles, ut asserunt, semper et ab antiquo usi fuerint et eorum existant, nec ne, ad (!) iudicibus nobilium, iuratisque assessoribus dicti comitatus, necnon aliis cuiusvis status hominibus ad dictam vestram congregationem confluendis ad fidem eorum Deo debitam, fidelitatemque nobis et sacro nostro diademati observandam, tacto corporaliter vivifice crucis ligno meram et omnimodam experiamini veritatem. Datum Bude in festo Pentecostes, anno Domini Mo CCCo sexagesimo sexto. [1366. máj. 24.]||
Nos igitur vestre maiestatis obedire volentes fideliter, ut tenemur, in congregatione nostra generali universitati nobilium Iauriensis et Kamariensis comitatuum feria secunda proxima post prescriptum festum Pentecostes [1366. máj. 25.] prope civitatem Iauriensem celebrata a iudicibus nobilium, iuratisque assessoribus dicti comitatus Iauriensis, necnon ab aliis cuiusvis status hominibus in dicta nostra congregatione repertis diligenter iuxta formam pretacti mandati vestri de premissis sciscitando talem ab eisdem revisionem habuimus et recepimus veritatem, quod olim bone memorie dominus Syffridus abbas et conventus monasterii Sancti Martini Sacri Montis Panonie cum Nicolao, filio Sebastiani, de Kysrouazd super quadam terre particula fuissent in lite et tandem iuris ordine mediante ipsam particulam terre cum suis appendiciis nomine terre possessionis ipsorum Noyrouazd (!) reoptinuissent ac sic eandem per vestrum et capituli homines ad hoc tunc deputatos, metis in locis necessariis renovatis et positis ad predictam possessionem ipsorum Noygrouaza (!) applicassent et sic eandem adhuc possiderent et tenerent, super quibus eosdem abbatem et conventum crederent habere efficacia intrumenta. Datum sexto die congregationis nostre pedicte in loco prenotato, anno Domini prelibato. [1366. máj. 21.]||
Nos itaque iustis et legitimus petitionibus dicti magistri Ladislai, filii Lewkus annuentes, dictas litteras in nulla sui parte vitiatas, omnique suspicione carentes de verbo ad verbum transscribi, nostrisque litteris inseri, sigilloque nostro attergo (!) et easdem litteras relatorias clausas sub inpressione capitis dicti nostri sigilli uberiorem ad cautelam fecimus consignari. Datum in quindenis festi Passce Domini anno eiusdem Mo CCCo LXXo secundo. [1372. ápr. 11.]