Nos comes Iacobus de Scepus, iudex curie et universarum civitatum serenissimi et magnifici principis domini Lodovici, Dei gratia incliti regis Hungarie, Polonie, Dalmatie etc., memorie conmendantes tenore presentium significamus, quibus expedit, universis, quod Nicolaus de Gench pro domino Ladislao abbate et conventu ecclesie Sancti Martini de Sacro Monte Panonie cum procuratoriis litteris eorundem iuxta continentiam litterarum comitis Nicolai de Zeech, pridem similiter iudicis curie, prorogatoriarum in octavis festi Beati Georgii martiris in anno Domino millesimo trecentesimo septuagesimo primo preteritis [1371. máj. 1.] in figura iudicii eiusdem comitis Nicolai de Zeech conparendo contra Laurentium, filium Bythou, Nicolaum, filium Lucasii, Iohannem, filium alterius Bythou, Petrum, filium Phynta, Iohanem, filium Pauli, Petrum, filium Andree, Iohannem, filium Adrian, Andream, filium Nicolai, Demetrium, filium Egidii, Stephanum, filium Andree, Iohannem Romanum dictum, Dominicum, filium Blasii, Michaelem, filium Iohannis, Blasium, filium Laurentii, Petrum, filium Bede, Iohannem, filium Petri, Andream, filium Martini et Michaelem, filium predicti Laurentii, nobiles de Gulach, prout per litteras eiusdem comitis Nicolai exinde confectas informabamur, proposuisset tali modo, quod ipsi nobiles quandam fenetum ipsorum domini abbatis et conventus inter metas possessionis eorum Apathy vocate situm, ab ipsis nobilibus olym reobtentum de novo potentionaliter occupassent et uterentur minus iuste, cuius occupationis rationem scire vellent ab eisdem; quibus perceptis annotatus Petrus, filius Andree pro se personaliter et pro aliis nobilibus predictis cum procuratoriis litteris capituli ecclesie Wesprimiensis in presentiam annotati comitis Nicolai de Zeech veniendo respondisset tali modo, quod ipse et dicti alii nobiles nullum fenetum annotatorum domini abbatis et conventus occupassent, sed, si ipsi abbas et conventus aliquod fenetum per ipsos nobiles occupatum fore (!) scirent, ipsum mediantibus regio et alicuius capituli vel conventus credibilis hominibus legitime veniendo nomine iuris eorum recaperent et talem fenetum inibi recapere et sibi statuere possent, in cuius recaptivatione et statutione ipse et alii dicti nobiles nullam facerent prohibitionem, talem vero pratum recapere et sibi statui facere possent, cuius recaptivationi et statutioni contradictionis velamine obviarent; unde, cum ad huiusmodi recaptivationem et statutionem modo infrascripto fiendam regius et capituli Iauriensis homines necessarie fuissent destinandi, pro eo amicitiam eiusdem capituli Iauriensis idem comes Nicolaus litteratorie petivisset diligenter, quatenus ipsorum mitterent hominum pro testimonio fide dignum, quo presente homo regius infradeclarandus in octavis festi Beati regis Stephani tunc venturis [1371. aug. 27.] ad faciem dicte possessionis Apathy vocate vicinis et conmetaneis suis universis inibi legitime convocatis et partibus vel earum legitimis procuratoribus presentibus accedendo qualecumque pratum in dicta possessione Apathy ipse dominus abbas et suus conventus aut eorum legitimus procurator nomine iuris eorum recapere dicerent, recaperet, recaptivatumque statueret eisdem domino abbati et conventui eo iure, quo ad ipsos dinossceretur pertinere perpetuo possidendam, si per ipsos nobiles vel alios non fieret contradictum; contradictores vero, si qui exceptis dictis nobilibus inibi apparerent, citaret ipsos contra dictos dominum abbatem et conventum ad octavas festi Nativitatis Beate Virginis similiter tunc venturas [1371. szept. 15.] ad regiam presentiam rationem contradictionis eorum reddituros; si vero prefati nobiles dicte statutioni in aliquo contradicerent, ipsos citare non incumberet eo, quod, cum in lite essent, ipsos absque citatione aliquali rationem contradictionis eorum in eodem termino reddituros coram eodem comite Nicolao conparere oporteret; ipsum autem pratum per quemcumque prohibitum signis metalibus consignando, regaliqui mensura mensurando vel visu considerando una cum aliis probis viris iuxta regni consuetudinem deberent estimare et post hec ipsius possessionarie recaptivationis, estimationis statutionis seriem ac, si necesse fieret, contradictorum et citatorum nomina ad dictas octavas festi Nativitatis Beate Virginis domino nostri regi fideliter rescriberet capitulum Iauriense supradictum.||
A quibus quidem octavis festi Nativitatis Beate Virginis dum discussio reportate seriei promissorum inter easdem partes quibusdam prorogationum cautelis intervenientibus iuxta continentiam litterarum dicti comitis Nicolai de Zeech primo ad octavas festi Beati Georgii martiris tunc venturas [1372. máj. 1.] dilative deventa extitisset, tandem ipsis octavis instantibus idem Nicolaus de Gench pro predicto domino abbate et conventu cum procuratoriis litteris dicti conventus in eiusdem comitis Nicolai veniendo presentiam presente Colomano, filio Cosme, qui pro prenotatis in causam attractis cum procuratoriis litteris capituli ecclesie Wesprimiensis coram eodem comite Nicolao adhesisset, primo litteras dicti capituli Iauriensis super premissis domino nostri regi rescriptionales eidem comiti Nicolai presentasset declarentes inter cetera, quod, cum ipsum capitulum Iauriense receptis premissis litteris dicti comitis Nicolai adiudicatoriis una cum Iohanne, filio Stephani, de Paznan, homine regio, ipsorum hominem, Briccium, chori ecclesie eorum clericum, ad premissa peragenda pro testimonio transmisisset fide dignum, tandem iidem ad ipsum capitulum reversi eidem concorditer retulissent, quod ipsi in predictis octavis festi Sancti regis Stephani [1371. aug. 27.] ad faciem predicte possessionis Apathi vocate vicinis et commetaneis suis universis legitime inibi convocatis Ladislao, filio Valentini, de Gymolth procuratore legitimo dicti domini abbatis et conventus ac predictis nobilibus de Gulach presentibus accedendo, dictus procurator eorundem domini abbatis et conventus in dicta possessione Apathy nomine iuris ipsorum quoddam pratum recaptivasset, sed, cum dictum pratum eisdem domino abbati et conventui statuere voluissent, prelibati Blasius, filius Laurentii, Iohannes, filius Iohannis, Dominicus, filius Blasii, Iohannes, filius Pauli, Demetrius, filius Egidii, Stephanus, filius Andree, Andreas, filius Nicolai, Nicolaus, filius Luce, Petrus, filius Bede, Iohannes, filius Petri, Andreas, filius Martini, et Petrus, filius Andree de Gulach dicte recaptivationi et statutioni contradixissent prohibendo, quos non citassent, quia ipsi absque citatione coram eodem comite Nicolao conparere tenerentur, Paulum vero, filium Iohannis, de eadem Gulach, qui predicte recaptivationi et statutioni contradixisset, contra dictos dominum abbatem et conventum ad dictas octavas festi Nativitatis Beate Virginis tunc venturas [1371. szept. 15.] citavissent rationem contradictionis sue redditurum, sex vero nobiles de dicta Gulach, exceptis dictis duodecim, nec recaptivationi neque statutioni ac metarum erectioni predicti prati quantum ad portiones eorum contradixissent, ymo portionem eorum in ipso prato dicto domino abbati et sue ecclesie statuissent; quia autem pratum illud paludosum fuisset et aquosum, mensurare nequivissent, sed visu considerando una cum aliis probis viris, exceptis portionibus dictorum sex nobilium non contradicentium, ad viginta falcastra et quadraginta iugera terrarum arabilium in toto adiacere estimassent.||
Dehinc idem procurator dictorum domini abbatis et conventus quasdam tres litteras privilegiales, unam eiusdem capituli ecclesie Wesprimiensis et duas condam domini Nicolai, regni Hungarie palatini et iudicis Comanorum, eidem comiti Nicolao demonstrasset, in quarum prima, videlicet ipsius capituli ecclesie Wesprimiensis in anno Domini millesimo trecentesimo quadragesimo nono [1349.] confecta idem comes Nicolaus reperisset, quod, cum ipsum capitulum iuxta continentiam priorum litterarum ipsorum, seriem cuiusdam iuramenti continentium, ad audiendum et videndum dictum iuramentum, quod reverendus vir dominus Wylhelmus Dei et apostolice sedis gratia abbas dicti monasterii Sancti Martini, sola sua in persona contra Iohannem, filium Romani, Nicolaum, filium Andree, Laurentium, filium Bythou, Iohannem, filium Bythou, Nicolaum, filium Danielis, Nicolaum, filium Andree, Adrianum, filium Folkos, Georgium, filium Iohannis, Nicolaum, filium Elleus, Dyonisium, filium Romani et Michaelem, filium Laurentii, nobiles de Gulach in octavis festi Epiphaniarum Domini tunc proxime preteritis [1349. jan. 13.] in facie cuiusdam feneti seu prati inter villas Apathy et Gulach vocatas iuxta fluvium Egregh a parte occidentis, a parte videlicet ville Apathy existentis in quantitate terre unius aratri adiacentis sacramentum prestare debuisset, Nicolaum, presbiterum de choro ecclesie eorum, capellanum scilicet discreti viri domini Nicolai, archidiaconi Segusdyensis, socii et concanonici eorum, pro testimonio destinassent, tandem idem Nicolaus personaliter ad ipsum capitum reversus eidem retulisset, quod predictus dominus abbas iuxta continentiam predictarum litterarum ipsius capituli in predicto termino in facie dicti feneti conparendo in eo, ut ipsum fenetum inter predictas villas Apathi et Gulach in quantitate terre unius aratri usui sufficiens et adiacens predicte ecclesie sue seu monasterii sit et ad predictam possessionem suam Apathy vocatam pertineat, secundum regni consuetudinem predictis nobilibus de Gulach ac aliis nobilibus viris in eisdem litteris nominatim conscriptis presentibus prestitisset sacramentum, ut debuisset;||
in serie vero unius ipsarum duarum litterarum privilegialium dicti domini palatini in anno Domini millesimo trecentesimo quinquagesimo confecte inter cetera adinventum extitisset, quod Phinta, filius Michaelis, de Gulach in congregatione generali ipsius domini palatini universitati nobilium comitatus Zaladiensis feria secunda proxima ante festum Asscensionis Domini sub anno eiusdem millesimo trecentesimo quadragesimo nono preteritum [1349. máj. 18.] prope villam Kedhyda celebrata de medio aliorum exurgendo contra dictum Villermum abbatem eo modo proposuisset, quod ipse abbas in vicinitate dicte possessionis sue Gulach vocate haberet possessionem Apathy nuncupatam, de qua per suos iobagiones multas turbationes pateretur eo, quod distinctiones metales earundem ignorarent; legitimus vero procurator dicti domini abbatis eundem super facto dicte possessionis sue Apathy vocate instrumenta habera allegatido in certo termino pro ipsis instrumentis primo quasdam litteras privilegiales domini Bele regis clare memorie sub anno Domini millesimo ducentesimo quinquagesimo sexto [1256.] emanatas eidem domino palatino exhibuisset declarantes, quod cum ipse dominus Bela rex magistrum Smaragdum Abbensis(!) ecclesie electum, vicecancellarium suum ad revidendam quandam terram inter dominum abbatem de Sacro Monte Panonie et udvarnicos suos regales de Hydmagas et de Kezeu litigiosam transmisisset, tandem idem Smaragdus ad ipsum dominum regem reversus eidem retulisset, ut vicinis et conmetaneis dicte terre convocatis indagata ab ipsis veritate terram dictorum udvarnicorum regalium a terra ipsius domini abbatis per metas in ipsis litteris privilegialibus domini Bele regis contentas distinxisset;||
demum idem procurator ipsius domini abbatis predictas litteras privilegiales iam dicti capituli Wesprimiensis in superiore sensualiter conscriptas demonstrasset; quibus exhibitis et revisis, medio tempore ipso Phinta ab hac luce decesso et ipsa causa in Michaelem, filium suum, redacta, quia idem Michael predictum pratum non inter metas in dictis litteris privilegialibus ipsius domini Bele regis contentas, sed extra cursus earundem, procurator vero ipsius domini abbatis idem pratum non extra, sed intra ipsarum metarum cursus adiacere contrariose allegassent, idemque dominus abbas dictum pratum seu fenetum ex evidentibus rationabilibus cautelis in eisdem litteris dicti domini palatini conscriptis inter metas in dictis litteris ipsius domini Bele regis contentas adiacere comprobasset, ideo ipse dominus palatinus ipsum Michaelem in quantitate seu valore esstimationis ipsius feneti convictum fore decernens, idem pratum seu fenetum antedicto domino abbati et per consequens dicto monasterio suo perpetuo possidendum pariter et habendum auctoritate earundem litterarum suarum perpetuo adiudicasset.||
In tertia siquidem littera privilegiali eiusdem domini palatini in anno Domini millesimo trecentesimo quinquagesimo quarto, Bude vigesimo die octavarum diei Cinerum [1354. márc. 24.] emanata, inter omnia alia idem comes Nicolaus conperivisset, quod Petrus, filius Gregorii, de Gulach, ut actor, in facto predicti prati una cum prelabito domino Villermo abbate in causam devenisset, idemque dominus abbas dictum pratum vigore instrumentali sibi et dicte ecclesie sue attinere referens, in huius declarationem premissas tres litteras, unam scilicet dicti domini Bele regis et aliam antedicti capituli Wesprimiensis et tertiam eiusdam domini palatini modo premisso in superiore sensualiter conscriptas eidem domino palatino demonstrasset, quibus visis et perlectis continentiis earundem idem dominus palatinus pro premissis rationabilibus cautelis dictum pratum ... dicto domino abbati et sue ecclesie perpetuo adiudicasset, prenominatum Petrum, filium Gregorii, in valore estimationis eiusdem convictum fore decernendo.||
Quarum omnium premissarum litterarum exhibitionibus factis, quia predictus procurator nobilium predictorum prescriptum pratum circa predictum fluvium Egregh a parte ipsius possessionis Apathy ipsius abbatis et sui conventus adiacens, ipsum tamen pratum ipsas duas possessiones Apathy et Gulach a se invicem metaliter distingere et in facto eiusdem prati eosdem nobiles contra premissas litteras ac instrumenta ipsorum domini abbatis et conventus vigorosiora et efficacior a litteralia instrumenta in termino ulteriori per ipsum comitem Nicolaum ipsis dando coram eodem exhibenda habere allegasset, pro eo idem comes Nicolaus una cum aliis baronibus et regni nobilibus in sede sua iudiciaria sedentibus iudicando conmisisset eo modo, ut predicti nobiles prenotata ipsorum litteralia instrumenta, si que super premissis haberent confecta, in octavis festi Nativitatis Beate Virginis proxime tunc venturis [1372. szept. 15.] personaliter et non per aliquem procuratorem contra annotatos dominum Ladislaum abbatem et suum conventum exhibere tenerentur coram ipso, ut hiis visis iudicium et iustitiam facere valeret inter partes in premissis.||
Ab eisdemque octavis festi Nativitatis Beate Virginis cum ipsa instrumentalis exhibito inter dictum dominum abbatem et suum conventum ab una et inter predictos nobiles de Gulach parte ab altera medio tempore comite Nicolao per regiam serenitatem de ipso honore iudicatus curie regie in banatum regni Sclavonie translato et eodem honore iudicatus curie regie per eundem dominum nostrum regem nobis dato, iuxta continentiam litterarum nostrarum prorogatoriarum ad octavas festi Epiphaniarum Domini in anno eiusdem millesimo trecentesimo septuagesimo tertio preteritas, [1373. jan. 13.] medio tempore dicto domino Ladislao abbate de medio sublato et ipsa abbatia in dominum fratrem Dominicum abbatem redundante, inter eundem fratrem Dominicum abbatem et suum conventum ac dictos nobiles de Gulach secundum seriem litterarum nostrarum dilatorie diversimodo ventilando ad octavas festi Epiphaniarum Domini in anno proxime transacto preteritas [1377. jan. 13.] dilatata extitisset, tandem ipsis octavis instantibus predicti Laurentius, filius Bythou, Nicolaus, filius Lucasii, Iohannes, filius Bythou, Petrus, filius Phinta, Iohannes, filius Pauli, Petrus, filius Andree, Iohannes, filius Adriani, Andreas, filius Nicolai, Demetrius, filius Egidii, Stephanus, filius Andree, Iohannes Romanus dictus, Michael, filius Iohannis, Petrus, filius Bede, Iohannes, filius Petri, Andreas, filius Martini et Michael, filius predicti Laurentii, nobiles de Gulach per fratrem Nicolaum priorem in personis eorundem domini abbatis et sui conventus cum procuratoriis litteris eorundem congruis diebus octavarum earundem coram nobis expectati premissa eorum instrumenta personaliter exhibituri nostram in presentiam non venerant, se mediantibus litteris nostris iudicialibus in iudiciis aggravari permittendo, postulans prefatus procurator ipsorum domini abbatis et conventus eisdem in premissis ex parte dictorum nobilium iuris equitatem per nos inpertiri, unde, quia consuetudo regni eosdem nobiles premissa eorum instrumenta exhibituros personaliter et non per procuratorem evocandos fore dictarat, pro eo amicitiam dicti capituli Iauriensis litteratorie petieramus diligenter, quatenus ipsorum mitterent hominem pro testimonio fide dignum, quo presente homo regius prefatos nobiles de Gulach premissa eorum instrumenta exhibituros et de dictis iudiciis, in quibus propter eorum non venientiam fuerant aggravati in toto nonaginta sex marcas facientibus nobis et parti adverse satisfacturos contra prefatos dominum abbatem et suum conventum personaliter et non per aliquem procuratorem ad octavas festi Beati Georgii martiris tunc venturas, [1377. máj. 1.] ad quas causa dictorum domini abbatis et sui conventus una cum Dominico, filii Blasii et Blasio, filio Laurentii, de eadem Gulach facto in premisso coram nobis habita extiterat prorogata, evocaret in regiam presentiam et post hec ipsius evocationis seriem cum nominibus evocatorum ad easdem octavas domino nostro regi fideliter rescriberet capitulum Iaurieuse prenotatum.||
A quibus quidem octavis festi Beati Georgii martiris cum causa partium prescripta partes inter easdem iuxta continentiam litterarum nostrarum prorogatoriarum de regio litteratorio mandato pro ipsis in causam attractis nobis allato ad octavas festi Beati Martini confessoris proxime preteritas [1377. nov. 18.] dilative devenisset, tandem ipsis octavis instantibus Ladislaus, filius Valentini, pro domino Wladizlao, gubernatore abbatie ecclesie Sancti Martini et conventu eiusdem ecclesie cum procuratoriis litteris eorundem nostrum iudiciarium adiens conspectum, litteras predicti capituli ecclesie Iauriensis super ipsa evocatione domino nostro regi rescriptionales nobis presentarat, in quibus inter cetera per regium et eiusdem capituli homines in eisdem litteris nominatos, dieque et loco similiter in eisdem conscriptis predictos Nicolaum, filium Lucasii, Petrum, filium Phinta, Iohannem, filium Pauli, Andream, filium Nicolai, Demetrium, filium Egidii, Stephanum, filium Andree, Michaelem, filium Iohannis et Michaelem, filium Laurentii, nobiles de Gulach personaliter et non per procuratorem ad premissa iuxta nostram iudiciariam commissionem antedictam contra dictos dominum abbatem et conventum regiam in presentiam ad dictas octavas festi Beati Georgii evocatos fuisse conperiamus manifeste.||
Ad quas quidem octavas Sancti Martini iidem Nicolaus, filius Lucasii, Petrus, filius Phinta, Iohannes, filius Pauli, Andreas, filius Nicolai, Demetrius, filius Nicolai, Demetrius, filius Egidii, Stephanus, filius Andre, Michael, filius Iohannis et Michael, filius Laurentii, per annotatum procuratorem dictorum domini Wladizlai et conventus in personis eorundem coram nobis expectati nostram in presentiam personaliter venire debentes non venerant, nec persolverant iudicia prenotata, se pro eorum non venientia in iudiciis consuetis et pro non solutione dictorum iudiciorum in duplo eorundem convinci permittendo, postulans prefatus procurator ipsorum domini Wladizlai et conventus eisdem ex parte prefatorum nobilium per nos iuris equitatem elargiri in premissis, unde, quia consuetudo regni eosdem nobiles adhuc ad premissa in tribus foris conprovincialibus proclamandos fore dictarat, pro eo amicitiam prefati capituli ecclesie Iauriensis litteratorie petieramus diligenter, quatenus ipsorum mitterent hominem pro testimonio fide dignum, quo presente homo regius infradeclarandus prefatos nobiles de Gulach premissa eorum litteralia instrumenta exhibituros ac de dictis iudiciis nobis et parti adverse satisfacturos contra predictos dominum Wladizlaum et suum conventum ad quindenas festi Epiphaniarum Domini tunc venturas [1378. jan. 20.] in tribus foris conprovincialibus regiam in presentiam publice et manifeste faceret proclamari, insinuando ibidem, ut si venirent et premissa eorum instrumenta exhiberent ac de dictis iudiciis in toto centum et quadraginta quatuor marcas facientibus nobis et parti adverse satisfacerent, bene quidem, alioquin non obstante ipsorum absentia finem debitum faceremus causa in premissa, ut dictaret ordo iuris et post hec ipsius trine forenis proclamationis seriem cum nominibus proclamatorum ad easdem quindenas domino nostro regi fideliter rescriberet capitulum ecclesie Iauriensis supradictum.||
Tandem ipsis quindenis festi Epiphaniarum Domini instantibus frater Paulus, abbas de Beel, pro predictis domino Wladizlao, gubernatore abbatie et conventu Sancti Martini cum procuratoriis litteris eiusdem conventus ad nostram veniendo presentiam, litteras eiusdem capituli Iauriensis super ipsa trina forensi proclamatione domino nostro regi rescriptionales nobis presentavit, in quibus inter cetera per Ladislaum, filium Valentini, de Nema regium et Briccium, sacerdotem, eiusdem capituli homines prefatos Nicolaum, filium Lucasii, Petrum filium Phinta, Iohannem, filium Pauli, Andream, filium Nicolai, Demetrium, filium Egidii, Stephanum, filium Andree, Michaelem, filium Iohannis et alterum Michaelem, filium Laurentii, tertia, [1377. dec. 31.] quarta et quinta feriis ante festum Epiphaniarum Domine proxime consequenter preteritis [1378 jan. 1--2.] in villis Zantho, Tapolcha et Zenthiacab vocatis, tribus videlicet foris conprovincialibus contra predictos dominum Wladizlaum et conventum ad premissa omnia ad predictas quindenas festi Epiphaniarum Domini regiam in presentiam iuxta nostram iudiciariam conmissionem antedictam proclamatos fuisse conperimus manifeste. Ad quas quidem quindenas prescripti nobiles per prefatum procuratorem dictorum domini Wladizlai et conventus legitimis diebus earundem quindenarum coram nobis expectati nostram in presentiam non venerunt, neque persolverunt iudicia prenotata, postulans prefatus Paulus abbas, procurator dicti domini Wladizlai et conventus eisdem ex parte dictorum nobilium in premissis iuris equitatem per nos inpertiri. Verum, quia primo et principaliter annotatus Nicolaus de Gench, procurator dictorum domini Ladislai abbatis et conventus, in personis eorum inter alios predictos contra eosdem Nicolaum, Petrum, Iohannem, Andream, Demetrium, Stephanum, Michaelem et alterum Michaelem eo modo, ut ipsi quoddam fenetum ipsorum domini abbatis et conventus intra limites predicte possessionis eorum Apathy situm ab ipsis nobilibus iuridice reobtentum denuo potentialiter occupassent proposuisse, predictusque Petrus, filius Andree, procurator eorundem nobilium nullum fenetum dictorum domini abbatis et conventus per ipsos nobiles occupatum fore retulisse ac eosdem dominum abbatem et conventum ad recaptivationem eiusdem feneti legitime faciendam invitasse et tandem tempore ipsius recaptivationis et statutionis ipsius feneti predictis domino Ladislao abbati et conventui faciendis iidem nobiles contradictionem fecisse et demum in facto eiusdem prati se instrumenta habere allegando eadem exhibere assumendo producere non curasse, postmodum vero ad exhibitionem eorundem, ut regni dictaret consuetudo, semel evocati et secundo in tribus foris conprovincialibus contra predictos dominum Wladizlaum et conventum regiam in presentiam proclamati ad neutrum eorundem terminorum eis iuridice assignatorum venire, nec premissa instrumenta in eorum iuris declarationem exhibere curasse, sed se semper a facie iuris et iustitie in ipsorum culpabilitatis experientiam penitus absentasse ex prescriptis reperiebantur, pro eo baronum regni et nobilium tribunal iudiciale nobiscum sedentium maturo et deliberativo inducti consilio predictum fenetum seu pratum per predictos Ladislaum abbatem et conventum recaptivatum in quantum ipsum pratum eosdem Nicolaum, Petrum, Iohannem, Andream, Demetrium, Stephanum, Michaelem et alterum Michaelem contingit et prout iidem nobiles ipsum fenetum huc usque conservassent et possedissent, eisdem domino Wladizlao et dicto conventui ac per consequens dicto monasterio rationibus ex prescriptis, salvo iure alieno, perhempnaliter adiudicantes, eosdem Nicolaum, filium Lucasii, Petrum, filium Phinta, Iohannem, filium Pauli, Andream, filium Nicolai, Demetrium, filium Egidii, Stephanum, filium Andree, Michaelem, filium Iohannis et alterum Michaelem, filium Laurentii, pro premissa potentiaria accupatione et detentione dicti feneti in facto potentie, ex eoque in sententia capitali et in amissione omnium possessionum eorum ubilibet habitarum ac bonorum et rerum quorumlibet ipsos proprie contingentium, in duabus partibus nostris iudiciariis, in tertia vero parte partis adverse manibus devolvendarum et redundandorum contra predictos dominum Wladizlaum, gubernatorem dicte abbatie et conventum decernimus et conmisimus convictos extitisse atque aggravatos auctoritate nostra iudiciaria mediante. In cuius rei memoriam, firmitatemque perpetuam presentes, eisdem domino Wladizlao et conventui concessimus litteras nostras privilegiales pendentis sigilli nostri autentici munimine roboratas. Datum in Wyssegrad, tricesimo die quindenarum festi Epiphaniarum Domini predictarum, anno eiusdem millesimo trecentesimo septuagesimo octavo. [1378. febr. 18.]