Nos conventus monasterii Sancti Martini de Sacro Monte Pannonie memorie conmendamus, quod religiosus vir dominus Paulus, abbas monasterii de Beel, personaliter coram nobis constitutus suo et dicti sui monasterii nominibus per modum protestationis et prohibitionis nobis significare curavit, quod reverendus in Christo pater dominus Guillemus (!), episcopus ecclesie Iauriensis, quandam terram cum suis pertinentiis dictorum monasterii et domini abbatis de Beel Zalmad vocatam, in comitatu Supruniensi existentem, occupando ad possessionem dicti episcopatus Iauriensis Bagyag vocatam potentionaliter applicasset, fructus et utilitates eiusdem percipiendo et percipi faciendo per ad se pertinentes in preiudicium monasterii et abbatis predictorum. Unde idem dominus Paulus abbas facta hac potestatione supradictum dominum Guillemum, episcopum Iauriensem, ab occupatione, detentione, fructuumque et utilitatum perceptione dicte possessionis Zalmad vocate et eius ad predictam possessionem Bagyag nominatam applications factis vel faciendis prohibuit cotitradicendo et contradixit inhibendo manifeste coram nobis. Datum in festo Epiphaniarum Domini, anno Domini millesimo trecentesimo octogesimo primo. [1381. jan. 6.]