Serenissimo principi domino Sigismundo, Dei gratia Hungarie, Dalmatie, Croatic etc. regi illustri, marchionique Brandenburgensi etc., sacri Romani imperii vicario generali et regni Bohemie gubematori, domino ipsorum metuendo capitulum ecclesie Wesprimiensis orationes in Domino debitas et devotas. Vestra noverit celsitudo, quod, cum nos omni cum reverentia, qua decuit, receptis litteris vestris mediocri sigillo vestro consignatis religioso viro domino fratri Martino, abbati monasterii de Beel, ad citationes, inquisitiones et prohibitiones, necnon ad omnia alia, que iuxta, regni vestri consuetudinem talibus in processibus fieri consueverunt facienda per anni circulum generaliter datis et gratiose concessis, nobisque preceptorie transmissis, iuxta earumdem continentiam una cum Iohanne de Somwyrog, homine vestro inter alios homines vestros in dictis litteris vestris annualibus conscriptos nominaliter expresso, nostrum hominem videlicet Michaelem, chori eiusdem ecclesie nostre clericum, ad infrascriptam inquisitionem faciendam pro nostro testimonio duxissemus destinandum, demum iidem exinde ad nos reversi nobis concorditer retulerunt, ut predictus homo vester simul cum nostro testimonio in festo Beate Margarete virginis et martiris de novo elapso [1408. júl. 13.] in comitatu Castri Ferrei procedendo ab omnibus, quibus decuisset et licuisset, nobilibus videlicet et ignobilibus et aliis cuiusvis status et conditionis dicti comitatus hominibus palam et occulte diligenter investigando talem scivissent veritatem, quod Andreas de Magasy a quinque annis iam preteritis quandam terram dicti monasterii Beel et per consequens prefati domini Martini abbatis Magasy vocatam, que videlicet terra apud virum magnificum Nicolaum de Gara, regni vestri palatinum, more feudalis conservationis haberetur, perarari et seminari fecisset et facere conaretur de presenti potentia mediante in preiudicium iuris ipsius monasterii valde magnum. Datum quinto die diei inquisitionis antedicte, anno Domini millesimo quadringentesimo octavo. [1408. júl. 17.]