Amicis suis, conventui ecclesie Zaladiensis, Nicolaus de Gara regni Hungarie palatinus et iudex Comanorum amiciciam paratam cum honore ... Horumque series authentica inter prefatum Siffridum abbatem et ipsos nobiles ac dominum Stephanum similiter abbatem eiusdemque conventum, deinde autem alios abbates, medio tempore dictis nobilibus de Kapoch decedentibus, diucius ventilata, novissime autem inter dominum Ioannem episcopum Wladislawiensem, gubernatorem, prefatumque conventum Sancti Matrini ab una parte, siquidem ex altera Thomam et Ioannem fratres (?) prefati Dionisii ac Valentinum, filium Ioannis, necnon Andream, filium Nicolai de prefata Kapoch, diversis licium processibus et amfractibus de termino in terminum currendo ad presentes octavas festi Beati Georgii martyris deducta extitisset. Denique eisdem octavis adventibus fratre Petro, preposito pro dictis gubernatore et conventu cum procuratoriis literis eiusdem conventus ex una, ex alia autem antedictus Andreas, filius Nicolai, pro se et pro prefatis Valentino, Iohanne et Thoma cum procuratoris literis dicti capituli Vesprimiensis in figura nostri iudicii comparendo, quia prescripte decem curie seu sessiones in prefata Kapoch ipsis gubernatori et convertui restatui, prescripte autem eiusdem utilitates, puta terre arabiles, prata, silve, molendina et cetera, ut prescriberetur, bifarie dividi debebant, pro eo vestram amiciciam petimus diligenter, quatenus vestros mittatis homines pro utrisque patribus pro testimoniis fide dignos, quibus presentibus magistri Ladislaus de Alba, vel Valentinus de Zenthgyurgh, alio absente homo noster de curia ad id specialiter transmissus octavo die festi Nativitatis Beati Iohannis Baptiste nunc venturi et aliis diebus ad id aptis et sufficientibus ad faciam memorate possessionis Kapoch, vicinis et commetaneis eiusdem universis inibi legitime convocatis et presentibus, vel eorum legitimis procuratoribus presentibus, accedendo easdemque decem curias seu sessiones prefate ecclesie Sancti Martini restatuendo presciptas terras, prata, silvas, molendina et alias eiusdem possessionis utilitates iuxta prefati Nicolai Konth palatini iudiciariam commissionem prenotatam inter partes bifarie dividat, quarum unam prefatis nobilibus, aliam autem antedicte ecclesie Sancti Martini gubernatorique et conventui loci eiusdem a sese metaliter distinctam statuat et committat perpetuo possidendas. Contradiccione ipsarum parcium et aliorum quorumlibet obviare non valente. Et post hec ipsius possessionarie divisionis et statucionis seriem cum cursibus metarum inibi erigendarum ad octavas festi Beati Iacobi apostoli nunc venturas nobis amilicabiliter rescribatis. Datum Bude, quadragesimo die termini prenotati, anno Domini MCCCCX. [1410. jún. 9.]