Venerabili viro domino, Guillermo Maligeneri, utriusque iuris doctori, apostolice sedis capellano et sacri palacii apostolici causarum causeque ac partibus infrascriptis auditori specialiter deputato, domino et patri suo in Christo honorando frater Thomas, divina miseracione abbas monasterii Sancti Egidii de Symigio, Wesprimiensis diocesis, sinceram et mutuam in Domino caritatem.||
Noverit ipsa vestra paternitas nos literas vestre paternitatis nobis directas omni cum honore et favore recepimus in hec verba:||
Guillermus Maligeneri etc. ... universis et singulis dominis abbatibus, prioribus, prepositis, decanis, archidiaconis, cantoribus, scolasticis, tesaurariis, custodibus, sacristis et canonicis tam cathedralium, quam collegiatarum, parochialiumque ecclesiarum rectoribus et loca tenentibus eorum, deinde plebanis, viceplebanis, capellanis curatis et non curatis, ceterisque presbyteris, clericis, notariis et tabellionibus publicis quibuscunque per civitates et diocesim Wesprimiensem ac alias ubicunque constitutis et eorum cuilibet in solidum, ad quem seu quos presentes litere pervenerint salutem, in Domino et mandatis nostris huiusmodi, imo verius sacrosancti generalis Constanciensis concilii firmiter obedire.||
Noveritis, quod nuper reverendissimus in Christo pater et dominus dominus Iohannes, miseracione divina episcopus Ostiensis, sancte Romane ecclesie cardinalis et vicecancellarius, dicti concilii auctoritate quandam commissionem sive supplicacionis cedulam nobis per certum dicte sedis cursorem presentari fecit, quam nos cum ea, qua decuit reverencia recepimus huiusmodi sub tenore:||
Dignetur vestra reverendissima paternitas causam et causas appellacionis et appellacionum in partibus pro parte reverendi patris domini Iohannis episcopi Wladizlawiensis ac gubernatoris abbacie Sancti Martini Sacri Montis Pannonie ac conventus loci eiusdem ad seriem apostolicam interposite et interpositarum a certis gravaminibus sibi per venerabilem virum dominum Gregorium de Czepeth, canonicum ecclesie Strigoniensis et tunc locum in officio vicariatus eiusdem ecclesie tenentem, in causa, que coram eo verti pretendebatur, inter dictum dominum episcopum et gubernatorem ac conventum coniunctim ex una et nobiles viros Paulum dictum Demes, Mauricium, Thomam, filium Damiani, Andream, filium eiusdem Thome, Mychaelem, filium Herneh, Thomam dictum Chapo, alterum Thomam dictum Anyan, Mychaelem dictum Balog, Vitum dictum Vida, Dominicum, filium Mathye et Petrum Claudum de Gwllye Wesprimiensis diocesis de et super nonnullis decimis ad dictos gubernatorem et conventum ac monasterium spectantibus et eorum accione partibus ex altera illatis una cum toto negocio principali committere alicui ex venerabilibus et circumspectis viris dominis sacri palacii apostolici causarum auditoribus audiendas, decidendas et fine debito terminandas cum omnibus et singulis suis emergendis, incidendis, dependendis et connexis circumstanciis, citando dictos nobiles omnesque alios et singulos sua interesse presencia tam coniunctim, quam divisim in Romanam curiam, extra et ad partes tociens, quociens opus erit, non obstante, quod causa et cause huiusmodi non sint de sua natura forsan ad dictam curiam legitime devolute, neque in ea de iuris activitate tractande seu eciam finiende. In fine vero dicte commissionis sive supplicacionis cedule scripta erant de alterius manus litera superiori litere ipsius cedule penitus et omnino dissimili et diversa hec verba videlicet:||
Audiat magister Guillermus Maligeneri, citet, ut petunt et iusticiam faciat.||
Post cuius quidem commissionis sive supplicacionis cedule presentacionem et recepcionem fuimus pro parte dicti reverendi patris domini Iohannis episcopi Wladislawiensis ac gubernatoris abbacie Sancti Martini Sacri Montis Pannonie ac conventus loci eiusdem, principalium in dicta nobis facta commissione principaliter nominatorum, debita cum instancia requisiti, quatenus sibi citacionem legitimam in Romanam curiam ... contra et adversus dictos nobiles viros Paulum dictum Demes etc. ... secundum vim, formam et tenorem sepedicte commissionis in forma solita et consueta decernere et concedere dignaremur.||
Nos igitur, Guillermus auditor prefatus, attendendo requisicionem huiusmodi fore iustam et consonam racioni, volentesque in causa huiusmodi rite et legitime procedere ac partibus ipsis dante Domino iusticiam ministrare, ut tenemur, idcirco dicti concilii auctoritate, qua fungimur in hac parte vos, omnesque et singulos supradictos et vestrum quemlibet in solidum tenore presencium requirimus et mandamus primo, secundo et tercio et perhemptorie, vobisque nichilominus et vestrum cuilibet in virtute sancte obediencie et sub excommunicacionis pena, quam in vos et in vestrum quemlibet ferimus in his scriptis, nisi feceritis, que vobis in hac parte committimus et mandamus districte precipiendo, mandantes, quatenus infra sex dierum spacium post presentacionem seu notificacionem presencium vobis seu cuilibet vestrum factam in medietate sequenti et postquam pro parte dictorum reverendi patris domini Iohannis episcopi Wladislaviensis ac gubernatoris et conventus principalium vigore presencium super hoc fueritis requisiti seu alter vestrum fuerit requisitus, ita tamen, quod in his exequendis unus vestrum alterum non expectet, nec ullus pro alio se excuset. Quarum sex dierum duos pro primo, duos pro secundo et reliquos duos dies vobis universis et singulis supradictis pro tercio et perhemptorio termino ac monicione canonica assignamus prefatos nobiles viros, Paulum dictum Demes et alios predictos coniunctim vel divisim omnesque alios et singulos sua tam coniunctim quam divisim interesse presencia in eorum propriis personis, si ipsorum presencias commode habere poteritis, alioquin in hospiciis habitacionum suarum, si ad ea tutus poteat accessus et in parochiali seu parochialibus, sub qua seu quibus degunt et morantur. Sin autem, in kathedrali (!) Wesprimiensi ac parochiali seu parochialibus predictis aliisve ecclesiis et locis publicis, ubi, quando et quociens expediens fuerit infra missarum solemnia, dum ibidem populi multitudo convenerit ad divina seu alias fuerit congregata ex parte nostra, imo verius dicti generalis concilii publice alta et intelligibili voce perhemptorie citare curetis, quos et eorum quemlibet nos eciam tenore presencium sic citamus, quatenus quadragesima die post citacionem vestram huiusmodi per vos, vel alterum vestrum eis coniunctim vel divisim factam immedietate sequenti, si dies ipsa quadragesima iuridica fuerit et nos vel alter forsan loco nostri surrogatus auditor ad iura reddenda pro tribunali sederimus vel sederit, alioquin proxima die iuridica ex tunc immediate sequenti, quas nos, vel surrogandum auditorem prefatum Constancie vel alibi, ubi tunc forsan Romana curia residebit in audiencia causarum et ... mane, hora causarum ad iura reddenda pro tribunali sedere contigerit, compareant in iudicio legitime coram nobis vel surrogando auditore prefato per se vel procuratorem seu procuratores suos idoneum seu idoneos ad causam seu causas huiusmodi sufficienter instructas cum omnibus et singulis actis, actitatis literis, scripturis, iuribus, instrumentis et munimentis causam huiusmodi tangentibus et concernentibus prefatis reverendo patri domino Iohanni episcopo Wladislaviensi ac conventui principalibus seu eorum legitimo seu legitimis procuratori seu procuratoribus de et super omnibus et singulis in dicta nobis facta commissione contentis de iure et iusticia responsuri ac in causa huiusmodi ad omnes et singulos actus gradatim successive et usque ad diffinitivam sentenciam inclusive debitis et consuetis terminis et dilacionibus procedendo, ut moris est, processuri et procedi visuri aliasque dicturi, facturi, audituri et recepturi, quod iustam fuerit et ordo dictaverit racionis, certificando nichilominus eosdem citatos, quod sive in dicto citacionis termino, ut premissum est comparere (?) curaverint, sive non, nos nihilominus vel surrogandus auditor prefatus ad premissa omnia et singula et alias, prout iuris fuerit, procedemus seu procedet dictorum citatorum absencia seu contumacia in aliquo non obstante. Diem vero citacionis vestre huiusmodi atque formam et quidquid in premissis feceritis, seu aliquis vestrum duxerit faciendum, nobis per vestras patentes literas seu instrumentum publicum harum seriem seu designacionem in se continentes, sive continens, remissis presentibus, fideliter intimare curetis.||
Absolucionem vero omnium et singulorum, qui prefatam nostram excommunicacionis sentenciam incurrerint seu incurrerit quomodo, nobis vel superiori nostro tantummodo reservamus, in quorum omnium et singulorum fidem et testimonium premissorum presentes literas, sive presens publicum instrumentum huiusmodi nostram citacionem legitimam in se continentes, sive continens exinde fieri et per Iohannem notarium publicum nostrumque et huiusmodi cause coram nobis scribam infrascriptum subscribi et publicari nostrique sigilli fecimus appensione cummuniri.||
Datum et actum Constancie provincie Moguntine, in ecclesia Sancti Stephani pro audiencia causarum apostolica specialiter deputata, nobis inibi mane hora causarum ad iura reddenda in loco nostro solito pro tribunali sedentibus sub anno a nativitate Domini M CCCC XVII, indiccione decima, die vero Veneris, octava mensis Octobris, [1417. okt. 8.] apostolica sede vacante; presentibus ibidem discretis viris magistris, Philippo de Ruo et Hernev Linache notariis publicis scribisque nostris clericis ... dictis testibus ad premissa vocatis specialiter et rogatis.||
Nos igitur receptis premissis literis ipsius vestre paternitatis visisque et perlectis continenciis earundem discretum virum dominum presbyterum capellanum et magistrum Lucam ... archidiaconum Wesprimiensem ad infrascripta perficienda transmisissemus. Tandem iidem exinde ad nos reversi nobis uniformiter retulerunt, quod ipsi in festo Beati Mathie apostoli proxime preterito nobiles viros Paulum dictum Demes, Mauricium, Thomam, filium Damiani, Andream, filium eiusdem Thome, Michaelem, filium Hernech, Thomam dictum Chapo, alterum Thomam dictum Any[as, Michae]lem dictum Balogh, Vitum dictum Vida, Dominicum, filium Mathie et Petrum claudum, item Ioannem filium ... Bartholomeum, Emericum, et Ladislaum, filios quondam Ladislai bani de ... Blasium, filium Laurencii, Mathyam (?) Romanum, filium Dyonisii de Ozthopan, Andream, filium Pauli, Dominicum, filium Iohannis, Silvestrum, filium Pauli ... filium Laurentii, Iohannem, filium Thome, Georgium et Paulum, filios Georgii, filii Mauricii, Petrum [filium] Pauli, Bartholomeum, filium Briccii, Damianum sartorem, Petrum, filium Lewkes, Iohannem, filium Ladislai, Nicolaum, fil[ium] ... interesse putando quemlibet [eorum] loco habitacionis sue contra nominatos reverendum in Christo patrem dominum Iohannem episcopum Wladislaviensem etc., gubernatoremque abbacie Sancti Martini Sacri Montis Pannonie et [conventum] ... diem diei citacionis videlicet dicti festi Beati Mathie apostoli nunc venturum in vestre paternitatis presenciam citavissent.||
Datum in monasterio nostro Symigiensi tercio die diei citacionis antedicte vigesima septima [mensis Februarii, an]no Domini M CCCC XVIII. [1418. febr. 27.] Presentes autem propter maiorem rei et certitudinis evidenciam sigillo nostri conventus fecimus consignari. Datum ut supra.||
Et ego, Lucas literatus de Gerek, Wesprimiensis diocesis publicus auctoritate imperiali notarius, premisse citacioni, dum sic, ut premittitur fierent et agerentur aliisque omnibus et singulis premissis ... publicam formam redegi aliisque arduis meis negociis ... sigilloque et subscripcione meis solitis et consuetis consignavi uberiorem rerum premissarum requisitus et rogatus in fidem et testimonium premissorum.