Serenissimo principi domino Sigismundo, Dei gratia Romanorum regi semper augusto ac Hungarie, Bohemie, Dalmatie, Croatie etc. regi, domino ipsorum metuendo Thomas de Lapuspathak et Ladizlaus de Hind castellani castri Wesprimiensis ac vicecomes et iudices nobilium comitatus Wesprimiensis subiectionem humilem cum promptitudine perpetui fidelis famulatus. Vestra noverit celsitudo, quod cum nos honore, quo decuit, receptis litteris vestris annualibus ... etc. iuxta earumdem continentiam Stephanum de Pereske et Iohannem, filium Emerici, de Iuthas duos ex nobis ad infrascriptas inquisitionem et prohibitionem faciendas nostris pro testimoniis duxissemus destinandos. Demum iidem exinde ad nos reversi nobis concorditer retulerunt, ut ipsi in festo Nativitatis Beati Iohannis Baptiste [1428. jún. 24.] in comitatu Wesprimiensi procedendo ab omnibus, quibus decens et opportunum fuisset, videlicet nobilibus, necnon vicinis et conmetaneis cuiusdam possessionis Bernald appellate ac alterius status et condicionis dicti comitatus hominibus palam et occulte diligenter investigando talem scivissent et vidissent veritatem, quomodo, quod verius (!) ipsi ad faciem predicte possessionis dictorum domini abbatis et conventus Bornald vocatam in comitatu Wesprimiensi existentem accessissent et vidissent, quod Briccius viceofficialis de Tamassy, Benedictus Patha, Nicolaus et Iohannes, filii eiusdem, nobiles de Likywassan et Georgius Magnus, gener eiusdem Iohannis, in Thamassy conmorans, Iohannes, Gallus dicti Kiral, Andreas sartor, Stephus dictus Pathana, Iohannes, filius eiusdem, Urban et Andreas frater eiusdem, Stephanus faber, Sebek, Stephanus dictus Peres, Iohannes, Barnabas, Iohannes, filius eiusdem, Petrus villicus, Dominicus Parvus, Nicolaus, Iohannes villicus, Vitalis et Sebastianus de Thamassy, ceterique iobagiones magnifici viri domini Nicolai de Zeech ac Iohannis et Nicolai, filiorum eiusdem, in eadem Tamassy conmorantes ex permissione et mandato ipsorum domini Nicolai ac Iohannis et Nicolai, filiorum suorum, dominorum ipsorum et Georgii dicti Kaluz de Kalusfalva, officiali de eadem Tamassy, inter metas prefate possessionis Bernald quam plures terras arabiles perarari et seminari ac prata falcari et fena falcata deportari et in pratis ipsius domini abbatis et conventus cum ipsorum curribus hinc inde transeundo diversas vias ac (!) destrui annihilari fecissent potentia ipsorum mediante in preiudicium ipsius domini abbatis et conventus valde magnum. Item die in eodem [1428. jún. 24.] prefati Stephanus de Pereske et Iohannes filius Stephani de Iuthas nostra testimonia ad faciem predicte possessionis Thamassy accessissent, ibique magnificum dominum Nicolaum de Zeech ac Iohannem ac Nicolaum, ceterosque filios eiusdem, necnon Benedictum Patho, Nicolaum, Iohannem, filios eiusdem, de Likywassan, Georgium Magnum nobiles ac Iohannem, Gallum dictos Kiral et alios prescriptos, universosque populos et iobagiones de prefata Thamassy personaliter repertos facie ad faciem prohibuissent et contradixissent inbibendo ab aratione terrarum arabilium et falcatione pratorum predicte possessionis Bernalt (!) ab ulteriori utensione, fruitione, aliarumque utilitatum perceptione et percipi factione quomodolibet arte vel ingenio, legeque regni requirente. Datum Wesprimii quinto die diei inquisitionis et prohibitionis antedicte, anno Domini millesimo quadringentesimo vigesimo octavo. [1428. jún. 28.]