Nos conventus monasterii Sancti Martini Sacri Montis Pannonie memorie commendamus, quod Iohannes filius Michaelis prepositure de Turuch, Augustinus noster, Bartholomeus Faber, Nicolai de Warangh, Mathyas dictus Suthw prepositure de Papuch in Nogech et Paulus filius Nicolai capituli ecclesie Iauriensis in Kysech possessionibus iobagiones commorantes suis ac aliorum vicinorum hospitum in dictis possessionibus commorancium sine litteris quibusdam procuratoriis ad nostram personaliter veniendo presenciam confessi sunt oraculo vive vocis in hunc modum, quod ipsi communi colloquio inter ipsos habito et pari cum voluntate pro edificiis ecclesie Beati Regis Stephani in dicta Nagech fundate quandam vineam eiusdem ecclesie in territorio montis dicti Kysraasd, ut asserebant, monete nove florenos septem valentem, cui ab oriente terre arabiles, a meridie vinee servorum nostrorum, ab occidente similiter [...], ab aquilone Clementis de Kysech vinea vicinari assererentur, cum universis eiusdem utilitatibus et fructuositatibus Damiano filio Michaelis de dicta Kysech et per eum suis heredibus et posteritatibus universis in et pro decem florenis nove monete plene numeratis et per ipsos levatis dixerunt se vendidisse et nostri vendiderunt in presencia iure perpetuo et irrevocabiliter possidendam tenendam pariter et habendam, assecurantes nichilominus dicti venditores suis ac nominibus hospitum, quibus supra, antelatum Damianum ipsiusque posteritates in pacifico dominio vinee contra quoslibet impetitores et causidicos defensare et conservare vigore presencium litterarum nostrarum. Datum in Dominica Letare, anno Domini Mo CCCCo XXo nono. A [...] Iohannis filius Benedicti nobilis de Nogech.