Magnifico viro, domino Nicolao de Gara, regni Hungarie palatino et iudici Comanorum domino et amico ipsorum honorando conventus monasterii Sancti Martini Sacri Montis Panonie amicicie debitum et honoris continuum incrementum. Vestra noverit magnificencia nos litteras vestras nobis directas reverenter recepisse et iuxta earundem continenciam una cum Georgio filio Iohannis de Felpeech, homine vestro nostrum hominem, videlicet religiosum virum, fratrem Martinum sacerdotem, unum ex nobis fratribus conventualibus ad infrascripta fideliter peragenda nostro pro testimonio transmisissemus fidedignum, qui tandem exinde ad nos regressi nobis uniformiter retulerunt, quod prefatus homo vester presente dicto nostro testimonio in festo Beate Margarethe virginis et martiris proxime preterito Simonem filium Iohannis bani de Morochyda in possessione ipsius Gwmere vocata ad ea, que in dictis litteris vestris adiudicatoriis seriatim continentur responsurum ac de iudiciis sex marcarum vobis et tandem parti adverse satisfacturum contra religiosum virum, dominum fratrem Mychaelem, abbatem de Beel ad octavas festi Beati Iacobi apostoli proxime nunc affuturas vestre magnificencie evocasset in presenciam. Datum sexto die diei evocacionis premisse, anno Domini Mo CCCCmo tricesimo.||
Hátán: Domino palatino pro religioso viro, domino fratre Mychaele, abbate de Beel contra Simonem filium condam Iohannis Bani de Morochyda ad octavas festi Beati Iacobi apostoli nunc affuturas modo interius expresso evocacionis relacio.||
Contra non venit.||
Pro actore Demetrius litteratus cum Sancto Martino pro [...] Morochyda Iaur.