Amicis suis reverendis capitulo ecclesie Wesprimiensis comes Mathius de Paloch, iudex curie domini Sigismundi, Dei gratia Romanorum regis semper augusti ac Hungarie, Bohemie, Dalmatie, Croatie etc. regis, amicitiam paratam cum honore. Noveritis, quod Demetrius de Wesprimio pro domino fratre Michaele, abbate ecclesie de Beel ac Anthonio filio Andree, Ladislao et Georgio, filiis Bartholomei de Kapwch cum procuratoriis litteris conventus ecclesie Sancti Martini Sacri Montis Panonie iuxta continentiam litterarum nostrarum prorogatoriarum in octavis festi Epiphaniarum Domini in anno proxime transacto preteritis [1429. jan. 13.] in figura nostri iudicii conparendo contra Gregorium, filium Stephani, alterum Gregorium, Symonem, Michaelem et Dyonisium, filios Andree et Franciscum, filium Laurentii, de eadem Kapwch proposuerat eo modo, quomodo iidem Gregorius, alter Gregorius, Symon Michael, Dyonisius et Franciscus quasdam paiticulas terrarum arrabilium (!) et fenetorum seu pratorum intra limites et metas dicte possessionis Kapuch existentes ad curias eorumdem domini abbatis, Anthonii, Ladislai et Gregorii (!) de iure pertinentes pro se ipsis potentialiter occupassent et eisdem utentur in preiudicium et dampnum eorumdem vale magnum, cuius occupationis rationem scire vellent ab eisdem iure admittente.||
Quo audito Thomas Zarka pro prefatis in causam attractis cum procuratoriis litteris vestris in nostram exurgendo presentiam responderat ex adverso, quod iidem Gregorius, alter Gregorius, Symon, Michael, Dyonisius et Franciscus prescriptas particulas terrarum arrabilium, fenetorum seu pratorum intra limites et metas dicte possessionis Kapuch existentes eorumdem actorum potentialiter non occupassent, nam eedem terre ac prata seu feneta eisdem in causam attractis vigore instrumentali pertinerent, quodve non ad tunc, sed in termino ulteriori per nos eisdem dando coram nobis exhibere prompti essent et parati.||
Unde nos hiis perceptis iudicando conmiseramus eo modo, ut prefati Gregorius, alter Gregorius, Symon, Michael, Dyonisius et Franciscus aut procurator eorum legitimus universa eorum litteralia instrumenta, si que super premissis haberent confecta, in octavis festi Beati Georgii martiris tunc venturis [1429. máj. 1.] exhibere tenerentur coram nobis contra actores prenotatos, quibus visis iudicium et iustitiam facere valeremus inter partes in premissis dictante iuris equitate.||
A quibus quidem octavis festi Beati Georgii martiris dum premissa instrumentalis exhibitio partes inter predictas secundum series litterarum nostrarum prorogatoriarum ventilando ad octavas festi Epiphaniarum Domini proxime preteritas [1430. jan. 13.] et ab eisdem octavis ex eo, quia Franciscus, filius Nicolai, de eadem Kapuch legittimus procurator dictorum in causam attractorum eosdem ad tunc dictam instrumentalem exhibitionem facere non posse indicabat, sed eandem cum gravamine consueto in ulteriorem terminum differi postulabat, ad octavas festi Beati Georgii martiris proxime preteritas [1430. máj. 1.] cum deponendo iudicio trium marcarum et ab eisdem octavis similiter ex eo, quia Stephanus de Gwlach, legittimus procurator ipsorum in causam attractarorum eosdem ad tunc nec dictam instrumentalem exhibitionem facere, neque dictum iudicium persolvere posse indicarat, sed tam eandem, quam solutionem dicti iudicii cum gravamine consueto per nos in ulteriorem terminum differri postularat, ad presentes octavas festi Beati Iacobi apostoli [1430. aug. 1.] cum altero iudicio trium marcarum prescripto priori iudicio trium marcarum duplum facientibus prorogative devenisset, ad quas tandem octavas festi Beati Iacobi apostoli prefati Gregorius filius Stephani, alter Gregorius, Symon, Michael et Dyonisius filii Andree et Franciscus filius Laurentii de Kapuch per prefatum Demetrium litteratum de Vesprimio, legittimum procuratorem dictorum domini Michaelis, abbatis ecclesie de Beel ac Anthonii, filii Andree, Ladislai et Gregorii, filiorum Bartholomei, de Kapuch congruis diebus ipsarum octavarum coram nobis expectati nostram in presentiam non venerunt, neque miserunt, nec persolverunt iudicia prenotata se pro eorum non venientiis in iudiciis consuetis et pro non solutione dictorum iudiciorum in duplo eorumdem mediantibus aliis litteris nostris iudicialibus exinde confectis aggravari permittendo, postulans prefatus procurator dictorum actorum eisdem ex parte memoratorum in causam attractotum per nos in premissis iuris equitatem elargiri.||
Verum quia prefatus procurator dictorum domini abbatis, Anthonii, Ladislai et Georgii in figura nostri iudicii conparendo et prelibatos Gregorium, filius Stephani, alterum Gregorium, Symonem, Michaelem et Dyonisium, filios Andree ac Franciscum, filium Laurentii, prescriptas terras arabiles et feneta seu prata intra limites et metas dicte possessionis Kapuch adiacentes et ad curias eorumdem domini abbatis, Anthonii, Ladislai et Georgii de iure pertinentes potentialiter occupasse proposuisse, legittimusque procurator eorumdem utrorumque Gregorii, Symonis, Michaelis, Dyonisii et Francisci eosdem dictas terras et prata annotati abbatis et aliorum predictorum potentialiter non occupasse, sed easdem ipsis vigoribus litterarum instrumentalium pertinentes fore allegando eadem litteralia instrumenta primo sine onere iudiciali, duobus autem vicibus oneribus iudiciorum exhibere assumpsisse et ad ultimum ad exhibenda eadem non venisse nec misisse, sed se in iudiciis aggravari permisisse ex premissis manifeste reperiebantur, consuetudinaria vero lege regni ab antiquo observari solita requirente, ut quicunque in facto alicuius iuris possessionarii se litteralia instrumenta habere allegando eadem tribus vicibus primo sine onere, binis autem vicibus oneribus iudiciorum assumpserit et eadem non exhibuerit, amplius talis huiusmodi iure possessionario privari solet et spoliari, requisitorque huiusmodi iuris possesionarii in dominium eiusdem contradictione talis se instrumenta habere allegantis et non exhibentis et aliorum quorumlibet non obstante introduci et statui solet, prefati siquidem uterque Gregorius, Symon, Michael, Dyonisius et Franciscus pro premissa potentiaria occupatione dictarum terrarum et pratorum antefatorum abbatis, Anthonii, Ladislai et Georgii adversus eosdem in factis potentie et ex eo in sententiis capitalibus ac in amissione universorum iurium possessionariorum, rerumque et bonorum suorum intra ambitum regni ubilibet existentium ipsos solos proprie concernentium in duabus partibus nostris iudiciariis, in tertia vero parte dicti abbatis et aliorum predictorum, parlium scilicet adversarum, manibus applicandorum convinci et aggravari debere nobis et regni nobilibus nobiscum in iudicio existentibus videbatur, pro eo eorumdem nobilium regni quesito et assumpto consilio predictas terras et prata eisdem abbati, Anthonio, Ladislao et Georgio restatui conmittendo, nolentesque huiusmodi actus potentiarios annotatorum utrorum Gregorii, Symonis, Michaelis, Dyonisii, Francisci simpliciter et inpune pertransire, ne alii ab ipsis exemplati ad similia facta potentiaria perpetranda se apponere presumpmant, sed potius eorum pena alios quoslibet ab huiusmodi actuum potentiariorum perpetratione terreat, retrahat et restringat, ceterisque transeat in exemplum, eosdem utrosque Gregorium, Symonem, Michaelem, Dyonisium, Franciscum pro premissis eorum actibus potentiariis adversus prefatos dominum abbatem, Anthonium, Ladislaum et Georgium in factis potentie et ex eo in sententiis capitalibus ac in amissione cunctorum iurium possessionariorum ac rerum et bonorum eorum intra ambitum regni ubilibet existentium ipsos proprie et precise contingentium in duabus partibus nostris iudiciariis, in tertia vero parte dictorum abbatis, Anthonii, Ladislai et Georgii, partium scilicet adversarum in manibus devolvendarum et redundandarum convictos et aggravatos extitisse decernendo, ad restatutionemque dictarum terrarum et pratorum ac occupationem prescriptorum iurium possessionariorum, ablationemque rerum et bonorum dictorum convictorum regium et vestrum homines transmittendo, vestram amicitiam presentibus petimus diligenter, quatenus vestrum mittatis hominem pro testimonio fide dignum, quo presente magister Iacobus de Mahora vel Nicolaus de Iutha seu Martinus de Kwlpy ceu Iohannes de Vasad, curie regii notarii, aliis absentibus homo regius de curia regia ad id specialiter transmissus, primo ad faciem dicte possessionis Kapuch et sequenter terrarum arabilium et pratorum ad dictam curiam annotatorum abbatis, Anthonii, Ladislai et Georgii pertinentium vicinis et conmetaneis earum universis inibi legittime convocatis et presentibus accedendo restituat easdem terras et prata eidem abbati, Anthonio, Ladislao et Georgio iure eis incumbenti perpetuo possidendas, contradictione prefatorum utrorum Gregorii, Symonis, Michaelis, Dyonisii et Francissci (!) non obstante, habitaque ipsa statutione ad facies cunctorum iurium possessionariorum eorumdem utrorum Gregorii, Symonis, Michaelis, Dyonisii, Francissci convictorum ubilibet inter ambitum regni existentium, vicinorum et conmetaneorum ac filiorum, filiarum et fratrum, necnon proximorum eorumdem legittimis convocationibus factis, habita prius eorumdem legittima reambulatione et estimatione, exclusis prius portionibus quorumlibet de eisdem, occupet eadem in duabus partibus nostris iudiciariis, in tertia vero parte dicti abbatis et aliorum predictorum, partium scilicet adversarum, manibus tam diu, donec ipsa per hos, quorum magis redemptioni conpetunt, a nobis et dictis partibus adversis in earum legittima estimatione redimantur, statuat possidenda. Illis autem, qui se dicta iura possessionaria redimere velle asseruerint, octavas festi Epiphaniarum Domini nunc venturas [1431. jan. 13.] coram regia maiestate conparendi pro termino redemptionis eorumdem deputet. Nichilominus res et bona dictorum convictorum, si quas et que reperire poterit, aufferat et easdem ac ipsa similiter in duabus partibus nobis, veluti iudici, in tertia vero parte domino abbati et aliis predictis, partibus scilicet adversis, det et assignet; ocultatores vero earumdem rerum et bonorum, si qui fuerint, eosdem ad reddendam eorum ocultationis rationem ad dictas octavas festi Epiphaniarum Domini [1431. jan. 13.] contra annotatos abbatem, Anthonium, Ladislaum et Georgium regiam evocet in presentiam. Et post hec ipsius possessionarie statutionis, occupationis ac rerum et bonorum ablationis seriem cum nominibus dicta iura possessionaria occupata se redimere velle asserentium et evocatorum, si qui fuerint, ad easdem octavas domino nostro regi fideliter rescribatis. Datum Bude, sexagesimo octavo die octavarum Beati Iacobi apostoli predictarum, anno Domini millesimo quadringentesimo tricesimo. [1430. okt. 7.]