Serenissimo principi domino eorum domino Sigismundo, Dei gracia Romanorum imperatori semper augusto ac Hungarie, Bohemie, Dalmacie, Croacie etc. regi, conventus ecclesie Sancti Martini Sacri Montis Panonie oraciones in Domino debitas ac devotas cum perpetua fidelitate. Litteras vestre maiestatis suprema cum obediencia noveritis nos recepisse in hec verba:||
Sigismundus, Dei gracia Romanorum imperator semper augustus ac Hungarie, Bohemie, Dalmacie, Croacie etc. rex fidelibus nostris conventui ecclesie Sancti Martini Sacri Montis Panonie salutem et graciam. Dicitur nobis in personis religiosi fratris Michaelis, abbatis monasterii de Beel et conventus loci eiusdem, quomodo Egiedy, Akachius, Georgius et Demetrius filii condam Pauli Chupur bani de Monuslo ac nobilis domina relicta condam Stephani similiter Chupur dicti de eadem Monuslo et Gaspar filius eiusdem, feria secunda proxima post dominicam Ramispalmarum proxime preteritam missis et destinatis Benedicto officiali ipsorum in possessione eorum Pathona vocata per ipsos constituto ac Martino Chapo, Ladislao Benchek, Anthonio filio Maurici, Stephano litterato, Gregorio Mendenes, Thoma de Matesfeldew, Iacobo Zeker, Iohanne Darabus, Iacobo Suture, Laurencio similiter Suture, Anthonio Okus, Blasio Fenew, Thoma Molnar, Paulo Cholthy, Iacobo Halas, Benedicto Chapo, Gregorio Suture, Anthonio Baga, Iohanne Bolug, Blasio Rufo, Emerico filio Nicolai, Iohanne Fabro, Anthonio Carnifice, Benedicto filio Anthonii, Briccio Alachon, Martino Ihasi, Blasio Suture, Georgio filio Ladislai, Vincencio fratre eiusdem, Paulo Chontar, Georgio Feyer, Mathia Aynar, Andrea Suture, Georgio Saag, Iohanne Kapus, Georgio Tymar, Barnaba vilico, Blasio Kever, Georgio Izaak, Iohanne Molnar, Blasio Pongrach, Petro Chapo, Nicolao filio Blasii, Paulo Fintha, Alberto Sartore, Benedicto Tyryekus, Bartholomeo de Ech, Georgio Carnifice, Iacobo Gyarmath, Thoma filio Michaelis, Thoma filio Blasi, Petro Tyryekus, Iohanne Baga, Andrea de Gymolth, Iohanne Bodo, Petro Sartore, Michaele Finta, Benedicto Izaak iobbagionibus scilicet ipsorum [...] in possessione eorum Pathona commorantibus Dyonisium et Georgium filium Agustini iobbagiones dictorum exponencium in possessione [...] Kayar vocata [...] in campo intra metas veras eiusdem possessionis Kayar arantes minus iuste et indebite diris [...] et vulnerum plagis afficien[...] et semivivos relinqui fecissent, et quod idem Akacius, Georgius, Demetrius relictaque condam Stephani Chupur et Gaspar filius eiusdem circa festum Exaltacionis Sancte Crucis proxime preteritum missis iterum et destinatis prefato Benedicto officiali ac [...] iobagionibus eorum Andream Gekew iobagionem dictorum exponencium in possessione ipsorum Kayar commorantem similiter in campo intra veras metas eiusdem possessionis Kayar arantem universis rebus et vestimentis suis eo tunc secum inibi habitis spoliatis, sex boves eiusdem Andree ipsum aratrum trahentes recipi fecissent ab eodem potencia mediante in preiudicium et dampnum dictorum exponencium valde magnum. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Iohannes de Licivossan ac Briccius de Gycz vel Albertus de eadem sin Iohannes de Kisdem sew Demetrius de Felpecz aut Petrus de eadem homo noster ab omnibus, quibus incumbit, meram de premissis experiatur veritatem, quam tandem nobis fideliter rescribatis. Datum in Albaregali, sabbato proximo post festum Epiphaniarum Domini, anno eiusdem millesimo CCCCmo tricesimo sexto, regnorum nostrorum anno Hungarie XLIX, Romanorum XXVI, imperii vero tercio.||
Unde nos mandatis vestre serenitatis in omnibus obedire cupientes ut tenemur, una cum prefato Petro de Pecz homine vestro nostrum hominem, videlicet religiosum virum fratrem Iohannem sacerdotem, unum ex fratribus nostris conventualibus ad premissa peragenda nostro pro testimonio fidedignum duximus transmittendum, qui tandem ad nos exinde reversi nobis concorditer retulerunt, quod prefatus homo vester presente dicto nostro testimonio feria sexta proxima post festum Beate Dorothe virginis proxime preteritum in comitatu Iauriensi procedendo ab omnibus, quibus decuisset et licuisset, nobilibus videlicet et ignobilibus et alterius cuiusvis status et condicionis dicti comitatus hominibus palam et oculte diligenter inquirendo omnia premissa et quevis premissorum singula sic eatenus facta et perpetrata fuisse rescivisset, prout vestre maiestati dictum extitisset et quemadmodum tenor litterarum vestrarum per omnia continet prescriptarum. Datum sexto die diei inquisicionis premisse, anno Domini supradicto.||
Hátán: Domino regi pro religioso viro fratre Michaele abbate monasterii de Beel et conventui loci eiusdem contra egregios Akacium, Georgium et Demetrium filio condam Pauli dicti Chupur bani de Monoslo ac alios intrascriptos inquisicionis relacio.