Nos Ladislaus, Dei gratia Hungarie, Bohemie, Dalmatie, Croatie, etc. rex, Austrieque et Stirie dux, necnon marchio Moravie, damus pro memoria, quod Nicolaus de Thard pro religiosis viris fratre Michaele priore et conventu ecclesie de Leweld cum procuratoriis litteris eorumdem iuxta continentiam litteram magnifici Ladislai de Palocz, iudicis curie nostre regie, prorogatoriarum ex transmissione eiusdem nostram specialem in presentiam facta in octavis festi Beati Michaelis archangeli [1453. okt. 6.] in figura nostri iudicii eiusdem specialis presentie comparendo contra reverendum in Christo patrem dominum Gregorium, episcopum ecclesie Milkoviensis ac gubernatorem abbatie ecclesie de Beel, proposuit eo modo, quod, quamquam alias prior et ipse conventus ecclesie de Leweld quandam particulam terre arabilis ad predium eiusdem ecclesie de Leweld Udwarnok vocatam pertinentem et spectantem, abbatibus ecclesie de Beel, consequenterque iobagionibus ipsius abbatie in possessione eiusdem abbatie Polyan vocata residentibus ad utendum et seminandum sub hac conditione dederint et assignaverint, ut ipsi iobagiones et populi dicte abbatie in predicta Polyan residentes annis singulis nonas frugum de frugibus eorum in dicta particula terre seminatis et procreatis provenire debendas ipsis priori et conventui sine omni defectu et contradictione solvere et extradere deberent et tenerentur, nunc autem prefatus dominus Gregorius, episcopus ecclesie Milkoviensis et gubernator abbatie dicte ecclesie de Beel, a tribus iam retrolapsis annis [1451--1453.] ipsas nonas frugum de frugibus in dicta particula terre seminatis et procreatis ipsis priori et conventui provenire debendas eisdem priori et conventui solvere et extradere per suos iobagiones in dicta Polyan commorantes non permisisset, eandem particulam terre arabilis per Symonem Redneky, Valentinum, Dominicum Lamperti, Paulum Polyani, Clementem doliatorum, Fabianum, Georgium Kasa, Albertum, Georgium, Egidium sutorem, Georgium Buday, Matheum sutorum, Georgium villicum, Clementem Zekeres, Mathiam Berendi, Valentinum et Anianum, populos et iobagiones suos in predicta Polyan commorantes, a dicto predio Udwarnok dictorum exponentium occupari faciendo ad dictam possessionem Polyan potentionaliter annectere et applicare fecisse; et quod Andreas Zalay, Stephanus, filius Anthonii, Iohannes Zenthgali, Gregorius Wekas, Paulus Chupi, Bartholomeus Anthonii, Iohannes, filius Pauli, Blasius Seres, Michael Warga et Georgius, filius Petri, populi et iobagiones prefati domini Gregorii, episcopi et gubernatoris dicte ecclesie de Beel, in possessione eiusdem Borsoth vocata residentes, ex commissione et speciali mandato eiusdem domini episcopi, domini scilicet eorum, temporibus proxime preteritis quasdam particulas terrarum arabilium, pratorum et fenilium ac silvarum inter metas possessionis dictorum exponentium Ardoleweld vocate existentium a parte dicte possessionis Borsoth adiacentes ad prefatam possessionem Borsoth occupando applicassent et annexissent eisdem uterentur etiam de presenti; insuper prefatus Symon Redneky et prefati populi et iobagiones annotati domini Gregorii, episcopi et gubernatoris, in dicta Polyan residentes similiter ex conmissione et mandato eiusdem domini episcopi, domini scilicet eorum, circa festum Beati Iacobi apostoli noviter preteritum [1453. júl. 25.] quoddam magnum pratum dictorum exponentium ad predictam predium Udwarnok pertinens per pecudes et pecora eorum depasci et anichilari fecissent plusquam centum florenorum auri dampna dictis exponentibus inferendo; preterea annotatus dominus Gregorius, episcopus et gubernator dicte ecclesie de Beel, quendam fratrem Andream conversum conventualem ecclesie de Leweld in festo Decollationis Beati Iohannis Baptiste tunc preterito [1453. aug. 29.] Bude in domo hospitio domini archiepiscopi Strigoniensis deambulantem reperiendo, ipsum fratrum Andream, ceterosque fratres conventuales in dicta ecclesia de Leweld degentes verbis illicitis et vituperiosis pertractasset potentia mediante, in preiudicium et dampnum prefatorum exponentium valde magnum; et hec sic facta fore exhibitionibus quarumdam trium litterarum inquisitoriarum, unius Wesprimiensis, alterius Albensis capitulorum ecclesiarum et tertia (!) vicecomitis et iudicum nobilium comitatus Wesprimiensis, sub uno sensu et forma verborum in diversis terminis enianatarum nobis ad amicabilem litteratoriam petitionem dicti comitis Ladislai de Palocz, iudicis curie nostre regie, rescriptarum comprobans, eisdem fratri Michaeli priori et conventui dicte ecclesie de Leweld per nos in premissis iuris equitatem petivit impertiri.||
Quo audito Paulus de Thakach pro prefato domino Gregorio episcopo cum procuratoriis litteris dicti capituli ecclesie Wesprimiensis in eandem nostram specialem exurgendo presentiam respondit ex adverso, quod ipse dominus episcopus in totali premissa acctione et acquisitione dictorum actorum innocens esset penitus et immunis, ex parte autem prefatorum iobagionum suorum, qui ad presens aput ipsum haberentur, in termino ulteriori per nos eidem dando iuxta dicti regni nostre Hungarie consuetudinem iudicium et iustitiam facere et respondere presto esset et paratus. Et quia prefatus procurator dicti actoris eundem in actione sua prenotata ad veridicam attestationem vicinorum et conmetaneorum suorum, nobiliumque conprovincialium per formam communis inquisitionis fiendam committere velle referebat, prefatusque procurator dicti domini episcopi eundem ad ipsam communem inquisitionem non committendo, sed a pugille eiusdem domini episcopi pugilli dicti fratris Michaelis prioris et conventus dicte ecclesie de Leweld signum duelli dimicando porrigebat, prefatusque procurator dicti fratris Michaelis prioris et conventus ecclesie prefate de Leweld ipsum signum duelli non acceptabat, sed eisdem in premissis per nos iudicium preberi postulabat, pro eo hiis perceptis iudicando commissimus eo modo, ut annotatus Gregorius episcopus quinquagesimo se nobilibus vigesimo quinto die festi Beati Georgii martiris proxime affuturi [1454. máj. 18.] coram capitulo ecclesie Iauriensis super eo, ut ipse in totali premissa actione et acquisitione dictorum actorum innocens sit et existat penitus et immunis, sacramentum prestare et tandem octavo die dicti vigesimi quinti diei prescripti festi Beati Georgii martiris [1454. máj. 25.] ex parte prefatorum iobagionum suorum, qui ad presens erga ipsum haberentur, idem dominus episcopus aut officialis vel villicus eiusdem per ipsum in eadem Polyan constitutus coram uno iudice nobilium comitatus Wesprimiensis predicti, quem serie presentium illac accedere mandamuus, in eadem possessione Polyan super premissis iudicium et iustitiam facere et impendere et dehinc ipsarum iuramentalis depositionis ac iudicii et iustitie impensionis series, ut fuerit expediens, partes in litteris memorati capituli ecclesie Wesprimiensis ad octavas dicti festi Beati Georgii martiris [1454. máj. 1.] legittime perdurandas eidem nostre speciali presentie reportare teneantur. Datum Bude, septuagesimo octavo die termini prenotati, anno Domini millesimo quinquagesimo tertio. [1453. dec. 22.]