Nos Nicolaus de Wuyan, castellanus de Symigh, comes comitatus Wesprimiensis et iudices nobilium eiusdem comitatus damus pro memoria, quod, cum nos Georgium Baso de Bedege, iudicem nobilium, iuxta continentiam litterarum serenissimi principis domini Mathie, Dei gratia regis Hungarie etc., nobis preceptorie loquentium ad infrascriptam citationem faciendam de nostra sede iudiciaria duximus transmittendum, qui tandem exinde ad nos reversus retullit (!) nobis eo modo, ut ipse personaliter accessit ad possessionem Zenth Iwan, ibique Martinum de eadem Zenth Iwan ac iobagiones eiusdem nominatim iuxta predictam litteram domini regis eidem statuere committendo contra reverendissimum dominum Symonem, utriusque iuris doctorem, archiepiscopum Anthybariensem etc., ad nostram citasset presentiam. Datum in Wasarhel in festo Beati regis Ladislai et confessoris, anno Domini etc. sexagesimo quinto. [1465. jún. 27.]||
[Hátán]: Pro reverendissimo in Christo parte et domino domino Simone archiepiscopo Anthybariensi ac gubernatore abbatie, ecclesie de Bel etc. contra Martinum de Zenth Iwan et alios intrascriptos ratione prioritatis terrmini duximus prorogandam. --- Per expressionem litis factam ad quindecimum diem festi Beati Benedicti abbatis nunc venturi duximus prorogandam. --- Citatoria prima.