Nos comes Stephanus de Bathor, iudex curie serenissimi principis domini Mathie, Dei gratia regis Hungarie, Bohemie, Dalmatie, Croatie etc., ducis Austrie, damus pro memoria, quod Stephanus Ledeczy Bude conmorans pro religioso fratre Ladislao, abbate ecclesie Beati Mauricii martyris de Beel cum procuratoriis litteris conventus ecclesie Cruciferorum de Alba iuxta continentiam litterarum nostrarum prorogatoriarum prestentibus octavis festi Epiphaniarum Domini [1489. jan. 13.] et capituli ecclesie Wesprimiensis evocatoriarum in figura nostri iudicii comparendo contra Georgium Konthra dictum de Mysk proposuit eo modo, quod, quamvis quondam magister Anthonius Konthra dictus de Mysk et per consequens successores eiusdem universi iuxta series et continentiam litterarum conventus ecclesie Zaladiensis fassionalium pariter et obligatoriarum suo modo confectarum de possessione possessionaria dicte ecclesie Beati Mauricii in possessione Heney vocata in comitatu Zaladiensi existenti, per condam fratrem Nicolaum, predecessorem abbatem dicti exponentis, ipsi condam Anthonio Contra (!) in feudum data et concessa quatuor marcis denariorum pro tempore currentium, quamlibet marcam per quatuor florenos computando, singulis annis in festo Beati Georgii martyris abbati dicte ecclesie Beati Mauricii martyris de Beel pro tempore constituto sub pena duppli earundem quatuor marcarum coram dicto capitulo ecclesie Wesprimiensis solvere, aut huiusmodi solutione feudali in duobus annis sese immediate sequentibus obmissa, dictam portionem possessionariam remittere et resignare debuerit: tamen nobiles Georgius et Iohannes Konthra de dicta Mysk, successores ipsius condam magistri Anthonii et eorundem predecessorum ab annis fere septuaginta, [1420--1489.] nec ipsam solutionem dictarum quatuor marcarum facere, nec eandem portionem possessionariam remittere et resignare curasset (!), nec curarent etiam modo. Et in huius documentum idem procurator dicti actoris in persona eiusdem litteras conventus ecclesie Zaladiensis fassionales obligatorias patenter in papiro confectas, nostrum iudiciarium producere et exhibere curavit ad examen. Quarum tenor talis est:||
Nos conventus monasterii Beati Adriani martyris de Zala memorie conmendantes tenore presentium significamus, quibus expedite universes, quod religioso viro domino fratre Nicolao, abbate ecclesie Beati Mauricii martyris de Bel ab una et nobili viro magistro Anthonio Contra dicto de Miske parte ex altera personaliter coram nobis constitutis, propositum extitit per eosdem concorditer pariter et relatum, quod, quia quedam particule possessionarie (!) una cum vineis, pratis et aliis utilitatibus in possessions Heeney vocate in comitatu Zaladiensi existentis habitas prefate ecclesie de Beel pertinentes propter remocitatem ab aiiis possessionibus eiusdem ecclesie idem dominus abbas convenienter uti seu possidere non valens, ideo habito consilio fratrum suorum maturo, easdem possessiones suas cum aliis suis utilitatibus taliter eidem magistro Anthonio Kontra dicto et suis heredibus predictis (!) titulo feuduali conmisit possidendas, ut singulis annis ratione huiusmodi conservationis idem Anthonius Contra dictus et sui heredes quatuor marcas denariorum pro tempore currentes, marcam quamlibet cum quatuor florenos conputando in festo Sancti Georgii martyris coram capitulo Wesprimiensi sine crastinatione sub pena duppli eidem domino abbati et suis successoribus solvere teneantur. Qui si uno anno et secundo anno sese sequentibus solvere nollent vel negligerent, ex tunc easdem portiones possessionarias eidem domino abbati et sue ecclesie predicte absque lite remittere et resignare tenebuntur, ad quod se sponte obligavit coram nobis. Datum in festo Assumptionis Beate Virginis gloriose, anno Domini millesimo trecentesimo tricesimo octavo. [1338. aug. 15.]||
Quibus exhibitis et presentatis prefatus procurator dicti actoris ex parte memorati Georgii Kontra (!) in causam attracti per nos in premissis iuris equitatem petiit elargiri. Quo audito Gregorius de Ayka pro prelitato (!) Georgio Kontra de Mysk in causam attracto cum procuratoriis litteris dicti capituli ecclesie Wesprimiensis in nostram exurgens presentiam respondit ex adverso, quod prenominatus Georgius Kontra in causam attractus super premissa portione possessionaria certas litteras et litteralia instrumenta pro se haberet confectas et emanata, quas et que non ad presens, sed in termino ulteriori per nos eidem dando coram nobis producere et exhibere promptus esset et paratus. Pro eo hiis perceptis iudicando conmisimus eo modo, ut antefatus Georgius Kontra de Mysk in causam attractus vel procurator eiusdem legitimus universas litteras et litteralia instrumenta, si quas et que super premissis pro sui parte habet confectas et emanata in octavis festi Beati Georgii martyris nunc venturis [1489. máj. 1.] absque ulterioris prorogationis confidentia coram nobis producere et exhibere debeat et teneatur contra actorem prenotatum, ut hiis visis iudicium et iustitiam facere valeamus inter partes in premissis dictante iuris equitate. Datum Bude tricesimo septimo die octavarum festi Epiphaniarum Domini predictarum, anno eiusdem millesimo quadringentesimo octoagesimo nono. [1489. febr. 18.]||
[Hátulján:] Super exhibendis instrumentis pro religioso fratre Ladislao abbate ecclesie Beati Mauricii martyris de Beel contra Georgium Contra dictum de Mysk ad octavas festi Beati Georgii martyris. Prorogatoria. --- Széljegyzet: Pro a(ctore) Thomas Ledeczy cum Cruciferorum.||