Mathias Dei gracia Hungarie, Bohemie etc. rex ... Austrie dux. Universis et singulis abbatibus, prioribus, custodibus, conventibus ac monachis Sanctorum Benedicti, Bernardi, Cruciferorum, Premonstratensium, Cluniacensium, Cisterciensium ac aliorum ... mendicancium ordinum ... universis et singulis, ad quos peresentes nostre litere pervenerint, salutem in Domino sempiternam et graciam nostram. Religionis zelus ac fervor, qui ... clarissimos Hungarie reges illustres ad construenda, instauranda et erigenda cenobia, monasteria, abbacias et alia loca in dictis regnis ... bonis et proprietate dotanda, muneranda et augenda retroactis temporibus impulit, ut dum religiosi viri, qui in dictis locis existentes iuxta sanctorum patrum institua humilem ac devotum altissimo famulatum exhiberent, reges ipsi regumque subditi religiosorum talium oracionibus devotis et suffragiis ante conspectum omnipotentis Dei frequenter adiuti perpetuo pace et incolumitate fruerentur, nos quoque impellit sacris illorum vestigiis inherere, quique illis volente altissimo facti successores, quemque illorum sanctum ac salubre propositum ac institutum assidua pulsat instancia, ut dum religiosorum mores predictorum, proch dolor! a veteri illorum sanctorum patrum superiorum temporum negligencia et incuria ... de ipsorum religiosorum in capite et in membris reformacione et correccione cogitantes, assistente nobis reverendissimo in Christo patre domino Angelo, episcopo Ortensi, sancte sedis apostolice cum plena potestate legati de latere ad predicta regna legato in infrascrpita capitula et reformacionis et correccionis ordines decrevimus, que ipse legatus de mente et desiderio nostro precepit obseravanda sub ecclesiastica censura ... ut infra sequitur.||
Primo, quod abbas in suo monasterio ... fratribus omnem proprietatem amoveat ... et strictissime inhibeantur fratres sub censuris ecclesiasticis et pena carceris, quod nullius rei proprietatem sibi vindicent, nec suum aliquid dicent, nec aliquid alicui debent sine licencia abbatis dare, et si quid receperint, ad manus sui abbatis, aut prioris consignare sub penis excommunicacionis et statutorum ordinis teneantur.||
Secundo, quod tam abbas, priores, prepositi ac reliqui fratres habitum ac cappam induant, prout eorum ordo exigit et requirit, precipue tamen Sancti Benedicti habitum gestent, qui in ... per monachos dicti ordinis gestari consueverat et hodie in Wienna et Alemannia vetusta est consuetudo.||
Tercio, quod divina officia et hore canonice suis horis et temporibus ... fiant et celebrentur ac iuxta tenorem regule ... observent silencium in dormitorio et refectorio.||
Quarto, quod abbates omnes proventus ... tam pecuniarias quam aliorum proventuum, frugum ... in communi promptuario reponent et per abbatem ac cellerarium monasterii iuxta regule ordinacionem dispensent. Casu vero, quo claustrum sive monasterium esset adeo extenuatum, ut religiosum fratrem cellerarium habere nequirent, extunc abbas de communi consensu fratrum proficiat unum cellerarium fidelem presbyterum secularem sive laycum.||
Quinto, quod ab omni specie mali religiosi debeant se abstinere, quia periculosissimus est ingressus mulierum in cellas et habitaciones fratrum, volumus igitur modis omnibus, ut a locis claustralibus arceantur ingressus earundem. Sed ubi necessaria, ut fassiones et alie solempnitates iuxta morem et consuetudinem regni in communi inquisicione fierent et deberent, testes et inquisitos dumtaxat ante ecclesiam recipiant, aut alias in locis honestis ante portas monasteriorum et extra septa eorundem.||
Sexto, quod sigilla conventus tucius et absque suspicione teneantur, habeat unus frater in communi ad hoc electus unam clavem et alteram abbas. Si autem abbas fuerit in absencia, tunc vices suas committat, ubi confidenciam sibi perspexerit maiorem.||
Septimo, quia proventus aliquorum monasteriorum se in tantum non extendunt, quod fratribus iuxta morem ordinis absque querela possit provideri, dominus reverendissimus legatus tollerat (sic), ut diebus dominicis ac tercia et quinta feriis carnibus vescantur, usque ad uberiors fructus pervenerint, a carnibus tunc omni crapula et ingurgitacione abstineant, non sicut hactenus impudenter in tabernis inebriari visi sunt, a quibus fiam deinceps velut a veneno abstineant.||
Octavo, abbates et conventis quotannis per episcopos, assumptis secum duobus abbatibus, quos ... putaverint, in eisdem diocesibus sita monasteria visitent et iuxta ordinaciones et regulas sanctorum patrum eiusdem ordinis ad sue regule observanciam reducant.||
Nono, quod fratres singuli extra septa monasterii absque arbitro atque socio non exeant, sed bini incedent, nec sub pretextu cuiuscunque fassionis recipiendi soli consedeant, sed ad minus duo observata debita honestate actus et testium examinaciones iuxta regni consuetudinem cum iuratis nobilibus ... exerceant.||
Decimo, quod preter abbatem, priorem et ... nemo alterius cellam ingrediatur sine licencia superioris sub pena carceris.||
Undecimo ...||
Duodecimo ...||
Tredecimo ...||
Pro quorum testimonium (!) sigillum nostrum rotundum adfigi et apponi mandavimuis. Datum Bude Veprimiensis diocesis in domo nostre solite residencie, anno Domini MCCCCLXXXIX, die tercia mensis Septembris, [1489. szept. 3.] pontificatus sanctissimi in Christo patris domini nostri Innocencii divina providencia pape octavi anno quinto.||
Iohannes Ginorus, notarius.