Serenissime princeps, pius conservator religionis et patrone. Supplicat vestre sacre maiestati abbas de Beel in eo, quod a tempore Sanctissimi regis Stephani ex sua regia donatione maior pars proventus theolonii seu tributi Camariensis pertinebat ad monasterium Beel dictum, quod idem sanctissimus rex fundavit; pie autem memorie Mathias rex predictum ipsius thelonii seu tributi proventum, nescitur qua occasione, omnino pro se occupaverat. Humiliter igitur supplicatur V[estre] S[erenissime] M[aiestati] ex parte predicti abbatis, quatenus amore Iesu Christi et intemerate matris eius virginis Marie, pro bono statu et conservatione iam dicti monasterii, ne omnino desoletur: dignetur prelibatam donationem ipsius sanctissimi regis in suo vigore persistere ac proventum supradicti thelonii seu tributi ipsi monasterio provenire debere regia confirmatione velit concedere, ut omnipotens Deus hic omnem prosperitatem et in futuro immortalem gloriam largire dignetur.||
V[estre] S[erenissimel M[aiestati] ...