Wladislaus, Dei gracia Hungarie, Bohemie, Dalmacie, Croacie, Rame, Servie, Gallicie, Lodomerie, Comanie, Bulgarieque rex, necnon Slesiae et Luxemburgensis dux marchioque Moravie et Lusacie etc. omnibus Christifidelibus presentibus et futuris presencium noticiam habituris salutem in omnium Salvatore. Etsi ex suscepte regalis nostre dignitatis sollicitudine de omnibus sancte matris ecclesie filiis curam impendere debemus specialem; illorum tamen illectivis specialius nos inclinari convenit, qui postpositis seculi vanitatibus iugem impendunt Domino famulatum. Proinde ad universorum noticiam harum serie volumus pernenire, quod religiosus frater Mathias custos nostram accedens in conspectum in suo ac ceterorum fratrum et tocius conventus monasterii abbacie Beati Martini Sacri Montis Pannonie nominibus et in personis exhibuit et presentavit nobis quasdam literas serenissimi principis condam domini Karoli regis Hungarie etc. sub duplici eius sigillo privilegialiter confectas habentes in se comfirmative tenores literarum similiter serenissimi olim domini Bele regis continentes modo simili in se declarative et confirmative continencias privilegii Beati Stephani regis per privilegium patris ipsius Bele regis confirmati super exempcione populorum et iobagionum prefati monasterii a iudicio, a iudicatu quorumlibet iudicium et iusticiariorum regni nostri in tenore earundem litterarum clarius expressa confecti et emanati tenoris infrascripti supplicans maie stati nostre idem frater Mathias suo et dicti conventus nominibus humiliter, ut easdem literas ipsius domini Karoli regis et omnia in eis contenta ratas, gratas et accepta habentes literisque nostris privilegialibus verbotenus inseri facientes pro prefato monasterio et conventu abbacie eiusdem innovantes perpetuo valituras confirmare dignaremur. Quarum quidem literarum tenor talis est:||
Karolus Dei gracia Hungarie, Dalmacie, Croacie, Rame, Servie, Gallicie, Lodomerie, Cumanie, Bulgarieque rex, princeps Sallernitanus et Honoris ac Montis Sancti Angeli dominus universis Christi fidelibus presencium noticiam habituris salutem in largitore salutis. Iustis petencium desideriis facilem prebere consensum in eo precipue, quod ad sancte matris ecclesie commodum spectat et honorem ius invitat, racio dictat et regalis sublimitas exortatur, eapropter ad universorum noticiam harum serie volumus pervenire, quod religiosus frater Nicolaus, abbas monasterii Sancti Martini de Sacro Monte Pannonie ad nostram accedens presenciam exhibuit nobis quoddam privilegium domini Bele quondam illustris regis Hungarie, predecessoris nostri felicis memorie, tenoris infrascripti petens nos humiliter supplicando, ut ipsum privilegium ratum habere ad uberioremque cautelam nostro privilegio dignaremur confirmare. Cuiusquidem privilegii tenor talis est:||
Bela, Dei gratia Hungarie, Dalmatie, Croatie, Rame, Servie, Gallicie, Lodomerie, Cumanieque rex, omnibus presens scriptum inspecturis salutem in omnium salvatore. Ad universorum comitum notitiam, Posoniensis videlicet, Nytriensis, Iauriensis, Kamaruniensis, Zaladiensis, Wesprimiensis, Tholnensis, Symigiensis seu omnium aliorum iudicum ac viceiudicum harum serie volumus pervenire, quod accedens ad nostram presentiam fidelis noster Bonifacius, abbas monasterii Sancti Martini de Sacro Monte Pannonie, privilegium Sancti regis Stephani confirmatum per privilegium felicis memorie patris nostri nobis presentavit, quorum inspecto tenore cognovimus concessum extitisse, ut populos dicti monasterii nullus iudicum preter regiam maiestatem et eum, quem abbas illius monasterii eliget, presumat aliquatenus iudicare. Unde, cum privilegia ecclesiarum et maxime istius monasterii, quod dilectione amplectimur speciali, nullatenus infringere, sed potius inviolabiliter intendamus conservare, volumus et precipimus firmiter et districte, quatenus nullus vestrum populos sepe dicti monasterii nec in furto, nec in decimis, nec in facto monete vel in aliquo presumat iudicare, quos a iurisdictione omnium iudicum per privilegium Sancti regis Stephani exemptos iudicio tantummodo nostro in omnibus causis reservamus iudicandos vel eius, quem elegerit abbas dicti monasterii secundum tenorem privilegii antedicti. In cuius rei memoriam et firmitatem presentes dedimus litteras duplicis sigilli nostri munimine roboratas. Datum per manus magistri Farkasii, prepositi Albensis, aule nostre vicecancellarii, dilecti et fidelis nostri, anno Domini M° ducentesimo sexagesimo septimo, regni autem nostri anno tricesimo secundo. [1267.]||
Nos siquidem iustis et legitimis peticionibus ipsius domini abbatis consideratis prescriptum privilegium domini Bele quondam regis Hungarie nobis presentatum in nulla sui parte viciatum, immo rite et legitime emanatum, de verbo ad verbum presentibus insertum ratificamus, acceptamus, approbamus et auctoritate regie maiestatis simulcum exempcionis gracia populis dicti monasterii facta et concessa presentis scripti patrocinio confirmamus. In cuius confirmationis memoriam firmitatemque perpetuam presentes concessimus literas sigilli nostri novi dupplicis et autentici munimine roboratas. Datum per manus discreti viri magistri Endre prepositi ecclesie Albensis, aule nostre, vicecancellarii dilecti et fidelis nostri ammo Domini millesimo trecentesimo vigesimo quinto tercio decimo Kalendas Decembres, [1325. nov. 19.] regni autem nostri similiter vicesimo quinto, venerabilibus et in Christo patribus Bolezlao Strigoniensi et fratre Ladislao Colocensi archiepiscopis, Iohanne Nitriensi, Benedicto Chanadiensi, Iwanka Waradiensi, Nicolao Iauriensi, Ladislao Quinqueecclesiensi, Georgio Syrmiensi, fratre Petro Boznensi, Henrico Wesprimiensi, Chavadino Agriensi et Andrea Transilvano episcopis ecclesias Dei feliciter gubernantibus, magnificis viris Philippo palatino, iudice Cumanorum, Demetrio magistro thavernicorum nostrorum, comite Bachiensi et Trinchiniensi, comite Alexandro iudice curie nostre, Thoma wayvoda Transsilvano et comite de Zonuk, Michaele bano tocius Sclavonie et magistro thavernicorum domine regine consortis nostre carissime, comite Paulo bano de Machow, comite Syrmiensi, de Walko et de Bodrog, magistro Deseu, iudice curie eiusdem domine regine, Blasio magistro agozonum nostrorum, Dionisio magistro dapiferorum nostrorum et magistro Nicolao comite Posoniensi aliisque quam pluribus regni nostri comitatus tenentibus et honores.||
Nos igitur, premissa supplicacione prefati fratris Mathie custodis suo et dicti conventus nominibus et in personis nostre modo quo supra porrecta maiestati regia benignitate exaudita clementer et admissa prescriptas literas dicti domini Karoli regis non abrasas, non cancellatas nec in aliqua sui parte suspectas presentibusque literis nostris privilegialibus verbotenus sine diminucione et augmento aliquali insertas, quo ad omnes earum continentas clausulas et articulos eatenus, quatenus eedem rite et legittime existunt emanate viribusque eorum veritas suffragatur, acceptamus, approbamus et ratificamus ac pro prefato monasterio et conventu abbacie prefate innovantes perpetuo valituras confirmamus presentis scripti nostri patrocinio mediante. In cuius rei memoriam firmitatemque perpetuam presentes litteras nostras privilegiales pendentis et autentici dupplicis sigilli nostri munimine roboratas duximus concedendas. Datum per manus reverendi in Christo patris domini Thome episcopi Iauriensis ac electi Agriensis ecclesiarum, aule nostre summi et secretarii cancellarii fidelis nostri dilecti, Bude tredecima die mensis Ianuarii, anno Domini millesimo quadringentesimo nonagesimo quarto, [1494. jan. 13.] regnorom nostrorum Hungarie etc. anno quarto, Bohemie vero vigesimo tercio, venerabilibus in Christo patribus dominis Hippolito Estensi, sancte Romane ecclesie cardinali Strigoniensi, Petro Colociensi archiepiscopis, eodem Thoma postulato Agriensi, Oswaldo Zagrabiensi, Valentino Varadiensi, Ladislao Transilvaniensi, Sigismundo Quinqueecclesiensi, prefato Thoma Iauriensi, Iohanne Wesprimiensi, Luca Chanadiensi, Nicolao de Bathor Waciensi, Anthonio Nitriensi, Stephano Syrmiensi, Gabriele electo Boznensi, Briccio electo et confirmato Thininiensi, Christoforo Modrusiensi, Michaele electo Segniensi ecclesiarum episcopis ecclesias Dei feliciter gubernantibus. Item magnificis Stephano de Zapolya comite Scepusiensi et regni Hungarie palatino, honore iudicatus curie nostre vacante, Ladislao de Lossoncz et Bartholomeo Dragfy de Beltewk waywodis nostris Transilvanis, Paulo de Kinys comite Themesiensi ac generali supremoque capitaneo parcium regni nostri inferiorum, Ladislao de Kanysa regnorum nostrorum Dalmacie, Croacie et Sclavonie, Georgio More de Chwla et Francisco Balassa de Gyarmath Zewriniensibus banis, Petro Gereb de Wyngarth et Nicolao Banffy de Lyndwa ianitorum, Ladislao de Egerwara tavernicorum, Georgio de Kanysa et Iohanne Bebeek de Pelsewcz pincernarum, Emerico de Peren dapiferorum, Iohanne Ernsth de Chakthornya agazonum, Blasio de Raska cubiculariorum nostrorum regalium magistris aliisque quampluribus nostris et regni nostri officia tenentibus et honores.