Petrus, miseracione divina tituli Sancti Ciriaci in Thermis sacrosancte Romane ecclesie presbyter cardinalis Reginus ad Ungarie ... etc. apostolice sedis de latere legatus, universi presentes literas inspecturis salutem in Domino sempiternam. Ex suscepto nostre legacionis officio ad ea libenter intendimus, per que locorum et personarum regularium necessitatibus et dispendiis obvietur et salutiferos fructus possint altissimo commodius exhibere. Cum itaque sanctissimus dominus noster nos ad regna, provincias, loca et terras supradicta suum et apostolice sedis legatum de latere sue (!) nuper duxerit destinandum, et quam plures facultates, presertim quecumque tam virorum quam mulierum cuiusvis ordinis monasteria et loca regularia tam exempta, quam non exempta in spiritualibus et temporalibus, eciam in capitibus et membris visitandi, corrigendi et eciam reformandi et alia faciendi, que pro felici statu locorum, personarum et monasteriorum huiusmodi expedire videremur (!), nobis per suas literas apostolicas, prout in illis plenius continetur concesserit; et sicut ad nostrum nonnullorum fidedignorum relacione pervenit auditum, monasteria et loca Ordinis Sancti Benedicti venerabili monasterio Sancti Martini de Panonia (!) eiusdem Ordinis Iauriensis diocesis subiecta illiusque abbates et singulares persone visitacione, correctione et reformacione quam plurimum censeantur indigere: nos ad monasteriorum et locorum huiusmodi statum salubrem et reformacionem oportunam paterna sollicitacione intendentes, sed cum in singulis monasterii huiusmodi pre multitudine negociorum nobis cothidie (!) incumbencium in propria persona vacare nequeamus, tales pulsamur deputare personas, que ad hoc sufficientes et idonee, vice nostras committere valeamus.||
Hinc est, quod nos attendentes profundam literarum scienciam, vite et morum honestatem aliaque preclara virtutum et probitatis merita, quibus personas venerabilis in Christo patris Andree, Dei gracia episcopi Temnopilensis et dilectorum nobis in Chisto religiosorum nostrorum dicti Sancti Martini de Pannonia et Salivariensis (!) eiusdem Ordinis Strigoniensis diocesis monasteriorum abbatum noscimus prefulgere, sperantesque, quod ea, quod eis duxerimus committenda, utiliter pro huiusmodi locorum et monasteriorum augmento et felici statu ad ipsius sanctissimi domini nostri et nostrum honorem exequentur: idcirco consideracione serenissimi domini Ungarie et Boemie regis super hoc nobis supplicanti omnibus melioribus modo, via, iure, causa et forma, quibus melius et efficatus possumus et debemus, facimus, constituimus, creamus et solenniter ordinamus nostros veros, certos, legitimos et indubitatos procuratores, actores, factores et negociorum nostrorum infrascriptorum gestores ac nuncios speciales et generales; ita tamen, quod specialitas generalitati non deroget, nec e contra videlicet eosdem Andream episcopum et abbates absentes tanquam presentes et eorum quemlibet in solidum, ita tamen, quod non sit melior condicio primitus occupantis, nec deterio subsequentis, sed quod unus eorum in ceperit, alter ipsorum id prosequi, mediare, terminare valeat et finire ac ad effectum perducere specialiter et expresse ad -- nomine nostri -- loca et monasteria huiusmodi eidem monasterio Sancti Martini in Panonia subiecta, prout de iure fuerit faciendum, visitandum et reformandum criminaque, delicta et excessus delinquencim corrigendum et inobedientes sentenciis et penis ecclesiasticis innodandum ac alii faciendum, dicendum, gerendum et exercendum, que in premissis et circa ea necessaria fuerint, seu quomodolibet oportuna.||
Datum Bude, Vesprimiensis diocesis, sub nostro solito sigillo, anno incarnacionis dominice MDI. decimo quarto Kalendas Aprilis, pontificatus sanctissimi in Christo patris et domini patri domini Alexandri divina providencia pape sexti anno nono. [1501. márc. 19.]