Item pater prior iuratus et interrogatus, si sciret, quod aliquis ex fratribus dissonestam (!) vitam duceret, respondit, quod neminem sciret. Interrogatus, quod si aliquis ex fratribus domum, boves, vaccas, equos aut vineas vel pecunias pro lucro dedisset, sciret, quod haberet, respondit, quod non sciret, sed ab antiquo tempore omnes prioros, qui fuerunt, unam domum possederunt, in qua habetur cellarium, in quo de tribus vineis vinaconservantur de vino pro communitate fratrum venduntur, de una vinea soli priores pro se receperunt et ipse recipit; dicit etiam quod custodes ab antiquo tempore duas vineas possederunt pro usu sacristie: campanatorem solvit, oleum et ceram comparaverunt. Interrogatas an fratres continuarent, vel visitarent tabernas cum rusticis, respondit, quod non, sed aliquando causa solatii tres, quatuor, ad domos istorum sacerdotum cum licentia iverint, ibique comederint et biberint, post hec ad monasterium venerunt. Interrogatus ad conscientiam suam, quod si haberet aliquas pecunias aput (se) vel apud aliquos, respondit, quod pro uno iobagione solvit sex florenos et aput se dicit habere tres florenos pro vestitura et aput unum suttorem unum florenum pro solearibus; dicit idem prior tria vasa vina habere, de quibus debebit vineam unam cultare et unam missam ad aram Beate Virginis Marie celebrare, quia illa vinea pertinet ad capellam.||
Item frater Nicolaus Polonus senior iuratus et examinatus ad constientiam suam dixit omnia, ut supra prior, dicit, quod aliquando per civitatem ambulabat metsecundus vel mettertius, aliqui boni et honesti cives ipsos ad domos ipsorum vocaverunt, ibique collationem fecerunt. De epcuniis autem dicit, habere aput se quatuor florenos, mutuo autem habet duos florenos et quinquaginta denarios.||
Item frater Pangratius ... dicit ut ... pater prior; de pecuniis autem dicit habere minus decem denariis unum florenum, quos ad comparandum vinum tenet, quia acetosum vinum eis datur.||
Item frater Dionisius ... dixit ut ... prior; de pecuniis habet minus decem denerariis unum florenum.||
Item frater Matheus ... dixit ut ... prior, de pecuniis autem dixit habere: habet medium florenum.||
Item frater Laurentius, ordinis Cisterciensium, tradit octavam revolutionem in isto monasterio mansit, ... ad omnia dixit ut ... prior, ad (pecunias dixit) non habere nullum denarium aput se, sed quod habuit, de die in diem debit parentibus suis.||
Item frater Michael ... dixit ut ... prior, de pecuniis autem dixit aput se habere quatuor florenos, 46 den.||
Item frater Augustinus, ... ordinis Cisterciensium, qui portat habitum nostrum, cupit in isto monasterio stabilitatem facere, omnia dixit, ut ... prior, de pecuniis autem dixit habere unum florenum.||
Item frater Michael, iunior, ... omnia ut ... prior, de pecuniis dixit habere unum florenum cum medio.||
Item pater custos ... omnia ut ... prior. De pecuniis dixit (se habere) sex florenos ad necessaria monasterii.||
Item frater Blasius, prior monasterii Sancti Ladizlai, binis conventualibus istius monasterii coram nobis comparuit et ipsum visitavimus. Coram nobis prioratum suum resignavit et quam pluries coram conventu resignaverat. Et per nos interrogatus, quare hoc faceret, respondit non habere, quid manducare et bibere, neque vestimenta, nec solus posset ibi perseverare, multa provisio et facta; ideo non posset in suo prioratu perseverare. Dicit etiam et totus conventus cum eo etiam dicit, quod predecessor suus frater Petrus, qui nunc in Sancto Martino moratur, quam multas dissipationes et desolationes fecisset tam in rebus ecclesiasticis, quam in edificiis et iobagionibus, quum fuit sibi datus prioratus, habuit ad XXX duos iobagiones, nunc vix habet tertiam partem.||
[Címe:] Reverendissimo domino archiabbati abbatie Sancti Martini.