Nos Wladislaus etc. ... memorie commendamus per presentes, quod religiosus frater Nicolaus custos ecclesie Sancti Martini Sacri Montis Pannonie in sua ac ceterorum universorum fratrum conventualium eiusdem ecclesie Sancti Martini (personis) cum procuratoriis literis eorundem nostram personalem veniendo in presenciam per modum protestacionis et inhibicionis nobis significare curavit in hunc modum: quomodo his temporibus superioribus reverendus dominus Matheus archiabbas ipsorum cum venerabili Gregorio, proposito ecclesie de Chorna in facto cuiusdam particula Danubii intra veres metas possessionis ipsorum Mathei archiabbatis ac fratrum conventualium et per consequens prefate ecclesie Sancti Martini Wenek vocate in comitatu Iauriensi existentis quasdam fassiones et certa obligamina preter omnem scitum et annuenciam prenarratorum fratrum conventualium sub certis condicionibus et articulis fecisset et inisset in preiudicium et dampnum dictorum fratrum conventualium ac iurium prefate ecclesie Sancti Martini valde magnum. Unde facta huiusmodi protestacione idem frater Nicolaus in sua ac pretactorum universorum fratrum conventualium prenarrate ecclesie Sancti Martini memoratum Matheum archiabbatem ipsorum a qualibet fassione sua sub quibuscunque formis verborum ipsi Gregorio preposito per ipsum facta, annotatum vero Gregorium prepositum ab extraccione et execucione earundem literarum fassionalium et obligatoriarum sub quibusvis coloribus vel ingenio fienda prohibuit contradicendo et contradixit inhibendo publice et manifeste coram nobis testimonio presencium mediante. Datum Bude in festo Beate Prisce virginis, anno Domini millesimo quingentesimo quinto. [1505. jan. 18.]||
Lecta