Nos Stephanus de Hederwara vicecomes et iudices nobilium comitatus Iauriensis damus pro memoria, quod, cum nos sabbato proximo post festum Beati Francisci confessoris proxime preterito [1513. okt. 8.] in in (!) sede nostra iudiciaria more alias consueto pro tribunali consedissemus et causas litigantium discutere voluissemus, tunc nobilis Paulus Chepely de Bedegye de medio aliorum nostram personaliter exurgendo in presentiam tanquam procurator venerabilis domini Iacobi abbatis et conventus ecelesie Beati Mauricii de Bakombel respondit coram nobis contra et adversus nobilem Valentinum litteratum de Chaytha, quod in possessionaria portione domini Iacobi abbatis et conventus ecclesie Beati Mauritii de Bakombel videlicet Tharyan vocata in comitatu Iauriensi quandam domum erigere, erectaque et alia certa edifficia facere incepisset, de quibus quidem edifficiis et erectionibus prenominatus Paulus Chepely tanquam procurator in persona domini Iacobi abbatis et conventus ecclesie Beati Mauricii de Bakombel preanotatum nobilem Valentinum litteratum de Chaytha ab omni edifficatione et erectione, occupatione, detentione, conservatione, statutione, statuifactione, fructuum et quarumlibet utilitatum predictarum totalium portionum possessionariarum perceptione seu percipi factione et quovis quesito colore in dominium earumdem intromissione quorumcunque iam factis vel in futurum fiendis modo premisso prohibuit contradicendo et contradixit inhibendo publice et manifeste coram nobis harum litterarum nostrarum vigore et testimonio mediante. Datum Iaurini in sede nostra iudiciaria, sabbato proximo post festum Omnium Sanctorum, anno Domini 1513. [1513. okt. 5.]