Ego frater Stephanus professus ecclesie et monasterii Sancti Martini Sacri Montis Pannonie locatus in abbacia de Thelky promitto fide mea Christiana mediante et per salutem meam ac professionem meam, quod volo vivere in ipsa abbacia religiose secundum regulam, divinum cultum secundum regulam exolvifacere adminus cum tribus fratribus, edificia fieri faciam et redditus ecclesie non ad alia, nisi ad fratres et edificia exponere volo et ecclesiam et bona ecclesie non alienabo ab Ordine et neque adherebo reverendissimo domino cardinali Agriensi, quia nulla cura est sibi de Ordine, et a iure patronatu ecclesie Sancti Martini et neque alicui locare volo bona eiusdem in arendam vel quorsum. Et semper obediens ero abbati Sancti Martini canonice intranti et capitulo universali semper interero. Et hec et omnia alia tanquam bonus religiosus promitto ultro, sponte, libere per meam salutem et fidem Christianam ac sub amissione et privacione ipsius ecclesie, harum nostrarum manusque mee consignatarum vigore et testimonio literarum mediante. Datum Bude feria quinta proxima post festum Resurreccionis Domini, anno MDXIX. [1519. ápr. 28.]||
Ad hec iuravit observanda pater Stephanus per manus reverendissimi domini Vaciensis cancellarii, Iohannes Pestiensis, abbas de Koppanmonostra.