Ladizlaus, Dei gracia Hungarie, Dalmacie, Croacie, Rame, Servie, Gallicie, Lodomerie, Cumanie Bulgarieque rex, omnibus Christi fidelibus presentem paginam inspecturis salutem in omnium Salvatore. Ad universorum noticiam tenore presencium harum serie volumus pervenire, quod vir religiosus frater And[reas abba]s ecclesie Tykoniensis, ad nostram accedens presenciam exhibuit nobis patentes litteras nostras super facto cuiusdam ville ecclesie Tykoniensis, Apaty vocate, confectas, petens a nobis [cum instancia, ut ipsas] ratas habere et nostro dignaremur privilegio confirmare. Quarum quidem patencium litterarum tenor talis est:||
Ladizlaus, Dei gracia rex Hungarie fidelibus suis [universis, iudicibus, comi]tibus, curialibus comitibus, collectoribus denariorum et exactoribus victualium, nobilibus ac omnibus iobagionibus castri, quibus presentes ostenduntur, salu[tem et graciam. Quia pium] est et salubriter convenit regibus et principibus seculi ecclesiis Dei, quas ungens suo perunxit sanguine, [provisionem] facere congruentem et easdem in suis [iuribus et indemniter] conservare: ecce nos inter ceteras regni nostri ecclesias monasterium nostrum de Tykon, per sanctos progenitores nostros in honorem Beati Aniani confessoris fundatum, in quo [fratres ordinis Beati Benedicti divine laudis organum iugiter decantant, quadam speciali prerogativa amplexantes, hanc eidem graciam benigniter duximus faciendam, [quod quedam villa ipsius] monasterii Apathy noncupata, in eadem insula, ubi ipsum monasterium est constructum, situata, ab omni genere cuiuslibet collecte, in regno nostro sive denariorum [sive victualium quo]cumque titulo emergentis, sit absoluta et omnimode expedita, ita, quod nullus collectorum vel iudicum ad factum memorate ville se intromittere audeat vel [presumat. Si autem] aliqui contra huiusmodi graciam, nostra benignitate factam, venire aliquatenus intenderent, omnipotentis Dei et consequenter nostram indignacionem se senciant merito incurrisse. Datum Albe in octava Beate Virginis Margarete, anno Domini Mo CCo LXXo sexto. [1276. júl. 20.]||
Nos igitur iustis peticionibus ipsius fratris Andree abbatis Tykoniensis favorabilem consensum adhibentes predictas patentes litteras nostras non cancellatas, nori abrasas nec in aliqua sui parte viciatas ratas habentes et acceptas de verbo ad verbum presentibus inseri faciendo patrocinio privilegii nostri presentis duximus confirmandas. In cuius rei memoriam perpetuamque firmitatem presentes concessimus duplicis sigilli nostri munimine roboratas. Datum per manus discreti viri magistri Bartolomei, prepositi ecclesie de Scepus, aule nostre vicecancellarii, dilecti et fidelis nostri, anno Domini Mo CCo octuagesimo tercio, regni autem nostri XIIo, indiccione undecima. [1283. szept. 1. után.]||
KépNév: