XXVI. De gennen, de den luden aßorgen vnd entwiken. Item witlick sj, dat her Symen Swertink,*) borgermester van Lubeke, vnd her Hertich Beteke, borgermester van den Elbing,3) sendebaden van den gemenen Hansesteden, de vp sunte Johannis dach baptysten to Lubeke vorgaddert weren int iar vnses hern MlllcLXXy, vnd to Lunden weren vp sunte Andres dach in demsuluen iaer, mit dem olderman vnd gemenen koepman van allen hauen vp de tit vorgaddert, ordenerden vnd auerrameden vmme groten schaden willen, den mannicli dot den guden luden, den he eher gud afkopet vnd achterwart vntwyket vnd nichles betalet. Hirumme so wat man van der Hense iemande syn gud aldus entferdiget, de schal des koepmans recht vorborei hebben. Vnd em darf gen man to rechte staen vor des koepmans rechte, sunder he en wille wedder to rechte stan, vnd en schal nergent geleide hebben, dar de koepman macht lieft, bet der tit, dat he syck myt alle svnen schuldeners vorlykenet heft. So dat ene genoget, so schalt den an den koepman stan, ofte he en wedder in dat rechte entfangen wille edder nicht.