VIII. Wan nie it recht vorlenen schal. Item so ys by dem gemenen koepman geordeneret, dat men genen koepman, de hir nyge irrt land kumpt, des koepmans recht vorlenen schal anders den des mytwekens wen de koepman vorgadert is. Vnde men en schal em des nicht vorlenen, er men vmmefragel lieft, ofte syne dyngen ok klar stan. Vnde weret dat he vnbekant, so dat he dem koepman an eyn myssduchte, so schal he borgen setten bynnen iaer vnd dagen bewisende,3) dat he vnd dat gud, dat he hanteret, yn de Hense behort. Vnd wen he de borgen gefunden heft, so mögen de borgen syn gud vp syck laten vorenteren vp de kastumen vnd vorkastumen eme syn gud. Vnd wanner sodane bewisinge dan is bynnen iaer vnd dagen, so scullen syne borgen quit syn, vnd den schal men em dat recht vorlenen. Men en schal nemende de billen geuen vp de kastumen, he en hebbe dat recht gewunnen. Weret ok sake, dat iemant, 4) de des rechtes nicht en hadde, syn gud lete vp sinen namen vorenteren vp de kastumen, den man schal de koepman nicht vordegedingen,5) he dede den koepman sodan bewyss bringen also vorschreven sleit. Vnd weret dat hir iemant iegen dede vnd iemant anders dat vorlede ofte billen vp de kastume, den man schal de koepman geuen, dede scholde breken de hogeste böte.