XXXII. Dat nemand sake by em suluen van dem ß) kern konynge voruolgen schal. Item so en schal ok nemant van der Hense enige sake by em suluen voruolgen van dem heren dem konynge dem gemenen koepman entiegende gande, dat is lo weteode enige patente, protectien T) ofte andere vnnylte, de iegen des kopmans priuileien wesen willen ofte mögen, sunder weten vnd wyllen des kopmans, vp de böte van einer raarc goldes.