XXX. De auer sehe risel vnd sine kastume nicht en betdlet. Item int iaer vnses heren MCCCCXLVIII vp den ersten dach in Julio, do besprak sick de koepman also van der kastumen wegen, vmme dat de gesellen gemenliken auer sehe treckenden vnd bhuen den kastumers ere gelt schuldich, woruan grote dachte queme van den kaslumers an den koepman. Also dat de kopman myt endracht darup vorramet hebben, so wat man de auer sehe treckede vnde den kastumers ere gell schuldich bliuet, de schal deme kopmanne vorfallen vnd geuen in de bussen also vele, als he den kastumers schuldich is bleuen. Vnd dat gelt vnd der kastumers gelt schal men inuorderen van deme rcdesten gude, dat inne siner bode ofte huse befunden wert, so uerne als dat nemant anders van siner wegen vlgcuen vnd betalen en wille.