XIV. Schot ofte andere ordynantien to maken. Item so en schal men gen schot noch wilkor, noch gene andere ordynancien maken, de den gemenen Dutschen anghan ofte andrepen, ofte ordenereden, id sy mit fulbort der gemenen Dutschen van allen hauen in Engeland vorgadert. Vnd dat in disser wise, dat men se vt allen hauen vp enen rede- lyken serleyen .*) dach vorbaden schal to Lunden to kamende I. edder II. van elkem hauen, de ful- mechlich syn van erer selschop wegen to vulbordende myt den gemenen Dutschen, de den van allen hauen dar syn ofte kamen, alle dynck, de se don ofte ordeneren vme ere recht to bewarende vnd to sterkende. Weret so, dat ienich van enen nicht en wolden kamen noch en mochten, so schulten de van Lunden mit den Dutschen van denen anderen hauen, de vp de tit to Lunden weren»fulmechtich syn, alle dynk to ordenerende vnd to setiende, dat der Dutschen recht anrorende weren.