XXXVIII. Walter Abt des Klosters St. Apri zu Toul verkauft dem Nicolaus Vogt von Hunolstein Güter zu Herdre und Cussertre. 1266 Februar 3. Nous freires Wautiers par la volontei de deu abbes de saint Evre de Toul et touz nostras conuens faisons asauoir a touz que nous auons vendu a touz jors a mon signor Nichole cheualier condit voei de Henaupiere, a sa femme et a ses hoirs queuque nous auons et auoir deuons, prenons et penre deuons a Hefrdre et a Clussertre et queuque apent a ces leus, et toute la terre que messires Symons lou prevos de Trieues tient et doit tenir de nous, des Trieues en Aual, en prei, en terre, en vignes, en hommes, en femmes, en bleifz, en touz proages et en toutes autres rentes, pour dous cens Hures de Messeins, de ques nous auons receu dou dit chevalier entier paiement et lauons mis en proege et en boen us de nostre abbaie; et li prometons en bonne foi, que nous iamais a nul ior par nous ne par autrui, par lettre ne par grace dapostole ne de legat ne par autre aide 29 de droit escrist et nennie escrist ne venrons encontre cest vendage por que il et ses hoirs nen soient a touz iors en heritage; et prometons au dit cheualier et a ses hoirs leaument en bonne foi, que nous touz eeaus des ques il nous requarat droiture, qui tort nous ont faict en cest heritage deuant dit iusquauiordui, que nous les plaidierons par crestientei ansi con Ii chose fust nostre propre, soit a Toul, soit a Mes ou a Verdun ou aillors a la coustainge dou dit cheualier. En tesmoignage de la quel chose auons nous ces lettres saelees de nos saels, et en tesmoignage de veritei iauons faict mettre le sael nostre honorable peire Gile par la grace de deu Eneke de Toul, que furent faictes lan nostre signor Mil dous cens sexante et six ans, on mois de Feurier le ior de la saint Blaise. •Orig. mit 3 Siegeln im fürstl. Wittgenst. Arch. zu Berleburg.