CCXLVIII. Jutta, Gemahlin Johanns von Hunolstein beurkundet, dafs Baugraf Philipp, Herr zu der Neuen - Baumburg, sie mit der Hälfte des Harnes Neumagen bewitthumt hat. 1345 (1346) Februar 10. Ich Jutte Eliche Husfrawe Johannis von Hunoltstein Erkennen mich vnd dun kunt allen luten, daz der Edel min lyber Herre Bugreue Philipps, Herre zu der Nuwer Beumburg mir sunder gnade gedain haith, daz er mich bewidemet hath als widemes recht is, vff halbdail des Huses Numagen mit allen den zu- gehorenden, dy dar zu gehorint, gesucht vnd vngesucht, dy von yme rürent, daz Ich der mach nyfsen vnd bruchen min lebtage an alle hindernisse. Wan Ich nith inbin, so mach Er vor ymme hain all dye recht, forderunge vnd ansprache, dy er dar zu haith als hute disses tages. Des zu vrkunde henken ich min In gesigel an dissen brif, vnd hain gebeden den Edeln min lyben fater Herrn Wil helm Herren zu Manderscheid, daz er sin Ingesigil bit daz mine an dissen brief haith gehangen zu gezugnisse disser vurgescriben dinge. Des Erkennen wir Wil helm Herre zu Manderscheid alz iz war ist. Datum a. d. M. trecentesimo qua- dragesimo quinto feria quinta ante Invocauit. Orig. mit 2 Siegel im fürstl. Wittgenst. Arch. zu Berleburg. 26 202