CCLXXXVII. Erzbischof Boemund von Trier und Gerhard Vogt von Hunolstein schliefsen auf zwei Jahre einen Vertrag, nach welchem ihre beiderseitigen Anforderungen durch zwei erwählte Rathleute geschlichtet werden sollen. 1357 März 18. Wir Boemund von godes genaden Ertzbischoff zu Trier, des heiligen Ro mischen Riehes durch Welschlant Ertzcanceller, bekennen an diesem brieue, daz 233 wir vmb solliche zweyunge, vorderunge vnd ansprache, als wir vnd vnser Stifft han zu dem Edeln Gerhard Voyt zu Htmoldstein, vnserm lieben getruwen, vnd er wieder zu vns, mit demselben Gerhard gütlichen vnd nuuerlichen sin über- komen vnd eyndrechtig worden in aller wyse als herna geschrieben steit. Zum ersten han wir vur vns vnd vnsern Stifft vnsern lieben getruwen Heinrich Müle vou der Nuwerburg vnd der vurgen. Voyt vur sich den frommen Ritter Herrn Ensfrisd von Gudenberg zu Ratluden erkoren, die vmb alle vbergriffe, ansprache vnd clagen, die zu bey den syten sint geschiet biz uf diesen dag vnd bynnen diesen itesten zwen iaren na datum dieses brieues gescheen mügen, sollen erfaren an den gerichten, do solich vbergriffe gescheen weren oder geschien mügen, vnd an allen den enden, an den man iz billich erfaren sol, bynnen Echte dagen na dem daz wir oder der vurgen. Voyt des an sie gesinnen, iglicher mit sinen brieuen oder gewissen boden; vnd sullen vns darna bynnent andern nesten Echte dagen sulcher ansprachen, vorderungen vnd clagen ende geben mit der mynnen oder mit dem recht, wie sich daz heischet. Vnd waz die zwene ratlude von sulichen sachen eyndrechtlichen sprechent vnd erfarent mynnlich oder rechtlich iglich als sich daz heischet, daz sullen wir vnd der egen. Voyt veste vnd stede halden, keren, rechten vnd dun bynnent den nesten viertzehen dagen darna als verre vnd wie vnserm iglichen daz zu keren, rechten vnd zu dune gebüret, ane argelist. Ob der vurgen. Ratlude eyner umb Herren oder sines selbs libes not zu diesen sachen nit mochte verstaen oder anders abeginge, daz der dem sulicher ratman abeginge eynen andern birnen man moge an sine stat setzen, der gliche macht habe als der, in des stat er wirt gesat. Were aber daz die vurgen. ratlude nit enkunden eyndrechtig werden, so han wir beyde vnsern lieben getruwen man vnd mage Herrn Georgen von Hentzenberg vnd Herrn Tilman vom Steyne, ritter, zu eyme vbermanne erkoren, also das sy sullen eynes mannes stymme vnd macht haben, vnd welichs ratmans vurgen. sprechen oder erfarnisse die vbermanne vol- gent, daz sol vorgang vnd macht haben, gelicher wys ob die zwene ratlude hetten eyndrechtlichen erfaren vnd gesprochen. Diese eyndrechtikeit vnd brieue, wie sie begriffen sint, sullen macht haben alleyne zwey gantze iar, die na datum dieses brieues allernest na eynander volgent vnd nit länger; vnd willen die an allen iren puncten veste vnd stede halden ane argelist. Des zu vrkunde han wir vnser Ingesiegel an diesen brief dun henken, der gegeben ist zu Triere, do man zalt na Cristus geburt dusent druhundert sess vnd fünfzig iar des achtzehn- den dages in dem Mertzen na gewonheit zu schriben in dem Bischtum zu Triere. Orig. perg. im Pr. Arch. zu Coblenz. 30 234